Shadow Shadow

سودان.. سوپا حکومەتى هەڵوەشاندەوە و خۆپیشاندەرانیش ڕازی نین

15:00 پێنج شه‌ممه‌ 11 نیسان 2019
article image

ناس کورد-

سوپای سودان ئەنجومەنی وەزیران و حکومەتی ویلایەتەکانی هەڵوەشاندەوە و کارکردنی بە دەستور ڕاگرت و باری نائاسایی لە سەرتاسەری وڵات ڕاگەیاند.

عەوەز بن عەوف، وەزیرى بەرگریی لە تەلەفزیۆنی فەرمی وڵات ڕاگەیەندراوی هێزە چەکدارەکانى خوێندەوە و رایگەیاند، عومەر حەسەن بەشیر، سەرۆکى ڕژێم لەسەرکارلادراو و لەشوێنێکى ئاسایشدا پارێزراوە. هاوکات ئەنجومەنى سەربازییش بۆ ماوەى دوو ساڵ کاروباری وڵات بەڕێوەدەبات تا ئەنجامدانی هەڵبژاردنێکى پاک و بێگەرد.

وەزیرى بەرگریی وتیشى، وەستاندنی شەڕ لە تەواوی ناوچەکانى وڵات ڕاگەیەنرا و سەرجەم زیندانییە سیاسییەکانیش ئازادکران.

ئاماژەى بەوەشکرد، ئەنجومەنى سەربازیی داوای لێبوردن لەو زیان و قوربانیانە دەکات کە بەهۆى خۆپیشاندانەکانەوە کەوتوووەتەوە.

هاوکات کۆمەڵەى پیشەوەرانی سودانی کە سەرپەرشتی خۆپیشاندانەکان دەکات بەردەوامی خۆپیشاندانەکانی ڕاگەیاند و دەڵێت، ڕاگەیەندراوەکەى سوپا داواکاری خۆپیشاندەرانی جێبەجێنەکردووە و بەردەم لەسەر شەقام دەمێننەوە.

نوێدەکرێتەوە..

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل