Shadow Shadow

تڕەمپ دانوستانه‌كانى ئاشتى له‌گه‌ڵ تاڵیبان هه‌ڵوه‌شانده‌وه‌

10:07 یه‌ك شه‌ممه‌ 08 ئه‌یلول 2019
article image

ناس کورد

سەرۆکی ئەمریکا، له‌توێتیكدا هەڵوەشاندنەوە و ڕاگرتنی گفتوگۆکانی لەگەڵ بزوتنەوەی تاڵیبان ڕاگەیاند.

.

بەرەبەیانی ئەمڕۆ 8ی ئەیلوولی 2019، دۆناڵد تڕە‌مپ سەرۆکی ئەمریکا لەسەر پرسی گفتوگۆکانیان لەگەڵ بزوتنەوەی تاڵیبان ئاشکرای کرد، کە بڕیاربووە لەگەڵ سەرکردە باڵاکانی تاڵیبان و سەرۆکی ئەفغانستان بە جیا لە كۆمه‌ڵگه‌ی سه‌رۆكایه‌تی كامپ دێڤید لە ویلایه‌تی ماریلاند کۆبێتەوە، بەڵام کۆبوونەوەکەی هەڵوەشاندووەتەوە.

.

تڕە‌مپ نوسیویه‌تى :” بەداخەوە، بۆ پەیداکردنی ناوبانگێکی ساختە دانیان بە تەقینەوەکەی کابول-دا ناوە کە بووە هۆی کوژرانی سەربازێکی ئەمریکا و برینداربوونی  11 هاوڵاتی تر و ڕاستەوخۆ کۆبوونەکەم هەڵوەشاندەوە و گفتوگۆکانم ڕاگرت.”

.

ترەمپ ڕایگەیاندووە، “لەمیانی دانوستاندنەکانی ئاشتی نەیانتوانی رێکبکەون لەسەر راگرتنی شەڕ، بەڵکو 12 کەسی بێتاوانیشیان کوشت”.

.

هه‌فته‌ى ڕابردوو، له‌كابولى پایته‌ختى ئه‌فغانستان به‌هۆى ته‌قینه‌وه‌ى ئۆتۆمبیلێكى بۆمبڕێژكراوه‌ سه‌ربازێكى ئه‌مریكا و 11 هاوڵاتى ئه‌و وڵاته‌ كوژران و بزوتنه‌وه‌ى تاڵیبانیش به‌رپرسیارێتیه‌كه‌ى گرته‌ ئه‌ستۆى خۆى.

 

ئه‌وه‌ش له‌كاتێكدایه‌  له‌ماوه‌كانى ڕابردودا ، چه‌ند كۆبونه‌وه‌یه‌كى نێوان به‌رپرسانى ئه‌مریكا و بزوتنه‌وه‌ى تاڵیبان به‌مه‌به‌ستى به‌رقه‌راركردنى ئاشتى له‌ئه‌فغانستاندا به‌رێوه‌چوون.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل