Shadow Shadow

"هەر کەسێک گرانفڕۆشی بکات راستەوخۆ سزا دەدرێت"

سلێمانی؛ لەبارەى گرانفرۆشى و بەرزکردنەوەى نرخ هۆشداری توند دەدرێتە خاوەن چێشتخانە و کافتریاکان

20:56 دوو شه‌ممه‌ 12 ئاب 2019
article image

ناس کورد-

بەڕێوبەری چاودێری بازرگانی سلێمانی، هۆشداری دەداتە خاوەن رێستۆرانت و چێشتخانەکان و جەخت لەسەر ئەوە دەکاتەوە “هەر کەس گران فڕۆشی بکات راستەوخۆ سزا دەدرێت”.

.

سۆران غەفور، بەڕێوبەری چاودێری بازرگانی سلێمانی بە ناس کوردی راگەیاند “هۆشداری دەدەینە رێستۆرانت و خواردنگە و کافتریاکان کە خواردنەکانیان بەنرخى رۆژانى بەر لە جەژنى قوربان بفڕۆشن و هاتنى جەژن و گەشتیاران نەقۆزنەوە بۆ گرانفڕۆشى و هەر کەس پابەند نەبێت بە توندی سزا دەدرێت”.

.

بەڕێوبەری چاودێری بازرگانی سلێمانی، داواى لە هاووڵاتیان و گەشتیاران کرد لە هەر شوێنێک هەستیان کرد نرخەکان گرانە و ویستی ئیستیغلالکردن و هەڵخەڵەتاندنی گەشتیاران هەیە، ڕاستەوخۆ ئاگاداریان بکەنەوە و ئەوانیش سزای توندی ئەو شوێنانە دەدەن.

.

سۆران غەفور، بەڕێوبەری چاودێری بازرگانی سلێمانی، بۆ ئاگادارکردنەوەی لیژنەکەیان لە هەر سەرپێچییەک داواى لە هاووڵاتیان و گەشتیاران کرد بە ژمارە تەلەفۆنەکانى (100، 07701432224، 07701450755، 07707660909) پەیوەندیی بکەن و لیژنەکەیان لە سەرپێچییەکان ئاگادار بکەنەوە.

.

لێدوانەکەى بەڕێوبەری چاودێری بازرگانی سلێمانی، هاوکاتە لەگەڵ بەدواداچوونێکى ناس کورد بۆ دیاردەى بەرزکردنەوەى نرخ لە چێشتخانە و کافتریاکان لە رۆژانى جەژن و بۆنەکاندا.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل