Shadow Shadow

سعودیە هەڕەشە دەکات واز لە مامەڵەکردنی نەوت بە دۆلار بهێنێت

11:24 هه‌ینی 05 نیسان 2019
article image

ناس کورد-

چەند سەرچاوەیەکی ئاگادار لە سیاسەتی وزەی سعودیە بە ڕۆیتەرزیان ڕاگەیاندووە، شانشینەکە هەڕەشەی ئەوەی کردووە مامەڵە نەوتییەکانی بە دراوی دیکەوە بکات لە بری دۆلار.

 

سێ سەرچاوەی ئاگادار لە سیاسەتی وزەی سعودیە بە ئاژانسی ڕۆیتەرزیان ڕاگەیاندووە، شانشینی سعودیە هەڕەشەی ئەوەی کردووە، مامەڵەی فرۆشتنی نەوت لە دۆلارەوە ئەگۆڕێت بۆ دراوێکی دیکە گەر واشنتن یاسای نۆپیک جێگیر بکات.

 یەکێک لە سەرچاوەکان ئەوەی ڕاگەیاندووە، بژاردەی وازهێنان لە دۆلار لە ناوخۆی سعودیە لە نێوان چەند بەرپرسێکی باڵا تاووتوێکراوە، دواتر لە ڕێکخراوی ئۆپیک باسی لێوەکراوە و سعودیە ئەو هەڕەشەیە گەیاندۆتە ئەمریکاش.

 

باسکردن لە پرۆژەیاسای نۆپیک لە لایەن ئەمریکا وەک فشارێک دەبینرێت بۆ سەر سعودیە، بەڵام شارەزایانی ئابوری جێبەجێکردنی ئەو پرۆژەیە بۆ دروستکردنی ڕێکخراوێکی جێگرەوەی ئۆپیک لاواز دەبینن.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل