Shadow Shadow

سزاکانی ئەمریکا بۆ سەر ئێران بەردەوامە

20:08 سێ شه‌ممه‌ 26 ئادار 2019
article image

ناس كورد-

وەزارەتی گەنجینەی ئەمریكا لە سزایەکی نوێدا بۆ سەر ئێران 25 كەس و كۆمپانیای ئێرانی سزادا، ئەوەش چوارەم قۆناغی سزاکانە بۆ سەر ئەو وڵاتە لە لایەن ئەمریکاوە.

 

ئاژانسی رۆیتەرز ئاشكرای كردووە، ئەو دامەزراوە و کەسانەی سزایان بەسەردا سەپێندراوە پێكهاتون لە بانكەكانی ئەنسار  و ئەتڵەس بۆ ئاڵوگۆڕی دراو و چەند دەزگایەكی دارایی تایبەت و کەسانی بازرگان، کە ژمارەیان 25 کەس و کۆمپانیان.

 

لە 22ی ئازاری ئەمساڵدا ئەمریكا سزای سەپاند بەسەر 31 كەس و دەزگای ئێرانیدا، بە بیانوی ئەوەی پەیوەندییان بە سوپای پاسدارانەوە هەبووە.

 

ئەمریكا لە 7ی ئابی 2018 پاش کشانەوەی لە ڕێککەوتنە ئەتۆمییەکەی ئێران، دەستی كردووە بە سەپاندنی سزاكانی بەسەر ئێراندا، کە سزای پیشەسازی و بازرگانی  و دارایی بووە، لە 5 تشرینی دووەمی هەمان ساڵیشدا سزاكانی سەر ئەو وڵاتە لە لایەن ئەمریکاوە فراوان بوو بۆ كەرتەكانی وزە، وەزیری دەرەوەی ئەمریکاش ڕایگەیاند، هەناردەی نەوتی ئێران تا ئاستی سفر کەمدەکەنەوە.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل