Shadow Shadow

سبه‌ی رۆژوو ده‌شكێنم و به‌ڕۆژوو نابم

سبەی من بەڕۆژوو نابم !!

23:00 دوو شه‌ممه‌ 27 ئایار 2019
article image

مه‌ریه‌می عه‌زرا بڕیاریدا بیده‌نگ بێت و هیچ نه‌ڵێ و فه‌رمووی: من به‌ ڕۆژووم ..زه‌كه‌ریای پێغه‌مبه‌ر سێ رۆژ بێده‌نگ بوو، به‌ ئاماژه‌ شته‌كانی عه‌رزده‌كرد.. منی هه‌ژار و سه‌د جار مافخوراو به‌ پێچه‌وانه‌ی ئه‌و دووزاته‌ سه‌لامی خوایان له‌سه‌ر بێت، سبه‌ی رۆژوو ده‌شكێنم و به‌ڕۆژوو نابم و زمانی ئاماژه‌ش به‌كار ناهێنم ، خۆیشم به‌ شوێنكه‌وتووی راسته‌قینه‌ی ئه‌و دوو زاته‌ ده‌زانم …ئه‌زانن بۆ ..؟؟ چونكه‌ سبه‌ی پادشاكانی عه‌رشی كه‌لاوه‌ نه‌خشه‌ی مافخورادنو مرۆڤخۆری فراوانتر دەكه‌ن..
سبه‌ی رۆژوو ده‌شكێنم و به‌ڕۆژوو نابم …
چونكه‌ لاپه‌ڕه‌یه‌كی تر ده‌چێته‌ تۆماری سته‌مكاری و قۆرخكاری و شكاندنی كه‌رامه‌تی مرۆڤ .!!
سبه‌ی رۆژوو ده‌شكێنم و به‌ڕۆژوو نابم …
چونكه‌ مه‌هزه‌له‌ی دیموكراسی ده‌یه‌وێ ئامونه‌كانی سه‌رده‌م سبه‌ی شاباشیان بۆ هه‌ڵدری و ونه‌مرودانێكی تر پێبگه‌یه‌نێت ..
سبه‌ی رۆژوو ده‌شكێنم و به‌ڕۆژوو نابم …
چونكه‌ ئاسایشی خۆراك و ئاسایشی ده‌رمان و ئاسایشی مرۆڤ و ئاسایشی نیشتمان سبه‌ی پلانی هه‌رزانفرۆشی و تاڵانكردناین بۆ ده‌رده‌چێت..
سبه‌ی رۆژوو ده‌شكێنم و به‌ڕۆژوو نابم …
چونكه‌ بێزارم له‌ ته‌ماته‌ی گه‌نیو، خورمای به‌سه‌رچوو به‌نزینی ژه‌هراوی ، هه‌رزه‌ی سیاسی و سیاسی گه‌نیوو ته‌پیو و فەیک ئەکادیمی ..
سبه‌ی رۆژوو ده‌شكێنم و به‌ڕۆژوو نابم …
چونكه‌ شتێك نه‌ماوه‌ به‌ ناوی ( ئینتیما) ، ( خاك) ،( مرۆڤدۆستی) ، ( هاوڵاتیبوون) شتێك كه‌ من ده‌یبینم ، تاڵانی و سڕینه‌وه‌ی میشك و گاڵته‌كردن به‌ چاره‌نوسی میلله‌تێكی بێ شوانی فره‌ خاوه‌ن …!!
سبه‌ی رۆژوو ده‌شكێنم و به‌ڕۆژوو نابم …
چونكه‌ نه‌خشه‌ڕێگای ناعه‌داله‌تی و و ئه‌تكی مرۆڤ ده‌بینم .!!!
سبه‌ی رۆژوو ده‌شكێنم و به‌ڕۆژوو نابم …
سبەی له‌ بری وانه‌ی ( دارا دوو داری دی) باسی داره‌ زڕ و بێ سیبه‌ر و بێ به‌رهه‌م و
دڕكاویه‌كانی ئەم هەرێمە بۆ خوێندكاره‌كانم ده‌كه‌م..!!
سبه‌ی رۆژوو ده‌شكێنم و به‌ڕۆژوو نابم …
ده‌زانم هه‌ندیك به‌ شێت و هه‌ندێكی تر به‌خه‌ڵه‌فا وو هه‌ندێكیش به‌ ناواقیعی ناوزه‌دم ده‌كه‌ن ..
به‌ڵام ئه‌وه‌ راستیه‌كه‌و شێوازێكه‌ له‌ به‌رگری و مه‌عزه‌ره‌تم له‌‌به‌رده‌م خوای پشتشكێنی سته‌مكاران …
هه‌ركه‌سیش هه‌رچۆن له‌من تێده‌گات منیش هه‌رئه‌وه‌م كه‌ خۆم ده‌یزانم ..
تێبینی ///
مه‌به‌ست له‌ رۆژوو شكاندنی سبه‌ی واته‌ شكاندنی بێده‌نگی ، نه‌ك وا بزانن رۆژوی ره‌مه‌زانی پیرۆز ناگرم و به‌ڕۆژوو نابم .. سه‌د استغفر الله

وشە كلیلەكان:

Do NOT follow this link or you will be banned from the site!
عاجل عاجل