Shadow Shadow

گۆڕان بەدوای میکانیزمێکدا دەگەڕێت بۆ پڕکردنەوەی 60 پۆست

21:46 هه‌ینی 15 ئادار 2019
article image

 

 

 

ناس کورد- هەڤاڵ فەتاح

 

بۆ تاوتوێکردن و دانانی میکانیزمێک بۆ دیارییکردنی کاندیدەکانی بزوتنەوەی گۆڕان بۆ ئەو پۆستانەی لە کابینەی داهاتووی حکومەتی هەرێمی کوردستاندا وەریدەگرێت، سبەینێ جڤاتی گشتی بزوتنەوەی گۆڕان کۆدەبێتەوە.

کوێستان محەمەد ئەندامی جڤاتی گشتی بزوتنەوەی گۆڕان بە ناس کورد-ی ڕاگەیاند، سبەینێ کاتژمێر 10:00ی سەرلەبەیانی جڤاتی گشتی بە ئامادەبوونی ڕێكخەری گشتی بزووتنەوەکە كۆدەبێتەوە.

کۆبوونەوەکەی سبەینێی جڤاتی گشتی گۆڕان بۆ دانانی میكانیزمێکە بۆ دیاریكردنی ئەو كەسانەی كە سیڤیان پێشكەشكردوە بۆ وەرگرتنی پۆستەكانی گۆڕان لە كابینەی نۆیەمی حكومەتی هەرێم.

کوێستان محەمەد ئاماژەی بۆ ئەوەش کرد کە لە جڤاتی گشتی ئەو میكانزمە گەڵاڵە دەکەن و بەرزی دەکەنەوە بۆ جڤاتی نیشتمانی بۆ ئەوەی بڕیاری لەسەربدەن.

 

پشکی گۆڕان لە کابینەی نوێی حکومەتی هەرێمی کوردستان 60 پۆستە، لەنێویاندا وەزیر، وەکیل وەزیر و بەڕێوەبەری گشتی، بۆ ئەو مەبەستەش 500 کەس سیڤییان پێشكەش کردووە.

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل