fbpx
Shadow Shadow

سبەینێ ئەنجومەنی وەزیران دەربارەی پرۆژەیاسای چاکسازی کۆدەبێتەوە

20:14 سێ شه‌ممه‌ 06 ئاب 2019
article image

ناس کورد-

ئەنجومەنی وەزیرانی هەرێمی کوردستان سبەى کۆدەبێتەوە، کۆبوونەوەکەش تایبەتە بە پڕۆژەی چاکسازی مووچە و خانەنشینی لە هەرێم.

.

سەرچاوەیەک لە ئەنجومەنی وەزیران بە ناس کوردی ڕاگەیاند: “سبەینێ پێنجشەممە 7ی ئابی 2019، ئەنجومەنی وەزیرانی هەرێمی کوردستان بە سەرۆکایەتی مەسرور بارزانی کۆدەبێتەوە”.

.

سەرچاوەکە ئاماژەی بەوەشکرد: “کۆبوونەوەکەی ئەنجومەنی وەزیران بۆ گفتوگۆکردن دەبێت لەبارەی پڕۆژەی چاکسازی مووچە و خانەنشینان، چاوەڕوان دەکرێت کەمترین مووچەی خانەنشینی بەڕێژەیەک لەو ڕێژەیە زیاتر دابندرێت کە لە پڕۆژەکەی پێشتردا هەبوە”.

.

بەپێی زانیارییەکانى ناس کورد: “لەلایەن ئەنجومەنی وەزیرانەوە لیژنەیەک بە سەرۆکایەتی فەرسەت ئەحمەد وەزیری داد پێکهاتوە، کە پێداچونەوەى بە پڕۆژەیاسای چاکسازى مووچە و خانەنشینى ئەنجامداوە و سبەینێ ڕاپۆرتێک لەو بارەیەوە دەخوێندرێتەوە”.

.

پڕۆژەیاساى چاکسازی لەلایەن کابینەی هەشتەمی حکومەتی هەرێمی کوردستانەوە ڕەوانەی پەرلەمان کرا، وێڕاى پەسەندکردنى چەند بڕگە و مادەیەکى، بەڵام دواتر بەهۆى ناڕەزایەتییەوە بۆ حکومەت گەڕێندرایەوە.

.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل