Shadow Shadow

نامەكانی لەتوێی كتێبێكدا چاپدەكرێت

ساڵرۆژی كۆچی دوایی نەوشیروان مستەفا چۆن دەكرێتەوە؟

09:45 شه‌ممه‌ 18 ئایار 2019
article image

ناس كورد- شەهرام عەزیز
بزوتنەوەی گۆڕان ئامادەكارییەكانی بۆ یادكردنەوەی دووەمین ساڵڕۆژی كۆچی دوایی نەوشیروان مستەفا سیاسەتمەدار و رووناكبیری دیاری كورد تەواو كردووە و بەرپرسانی بزووتنەوەكە لەسەر مەزاری رێكخەری گشتی كۆچكردوویان پێشوازی لە هاووڵاتیان دەكەن.

.

مەجید ساڵح، بەرپرسی كۆكردنەوەی ئەرشیفەكانی نەوشیروان مستەفا بە ناس كورد-ی ڕاگەیاند:”یادەكە لە گردی زەرگەتە لەسەر مەزاری نەوشیروان مستەفا ئەنجام دەدرێت و بەرپرسانی بزووتنەوەی گۆڕان لەوێ لە پێشوازی خەڵكدا دەبن”.

.

ئاماژەی بەوەش كرد، كتێبێكی بڵاونەكراوەی نەوشیروان مستەفایان ئامادەكردووە بۆ بڵاوكردنەوە، بەڵام لە ڕۆژی یادەكەدا فریا ناكەوون بڵاوی بكەنەوە و لە كۆتایی ئەم مانگەدا كتێبەكە بڵاودەبێتەوە، كتێبەكە كتێبێكی ئەدەبییە بە ناوی “نەوەی دووەمی قوتابخانەی شیعری بابان”.

.

مەجید ساڵح ڕوونیشیكردەوە، لە یادەكەدا توێژینەوەیەك لە ڕووی زمانەوانی كتێبی “كورد و عەجەم”ی كاك نەوشیروان كە لەلایەن ژمارەیەك لە مامۆستای زانكۆوە ئەنجامدراوە بڵاودەكرێتەوە و دیبەیتێكیش لەلایەن مامۆستاكانەوە لەسەر ناوەڕۆكی توێژینەوەكە ئەنجام دەدرێت.

.
نەوشیروان مستەفا لە ساڵی 1944 لە گەڕەكی سەرشەقام لە شاری سلێمانی لە بنەماڵەیەكی ناسراو و ڕۆشنبیری ئەو شارە لە دایكبووە و سەرەتای شەستەكانی سەدەی ڕابردوو دەستی بە كار و چالاكی سیاسی كردووە، قوتابخانەی سەرەتایی و ناوەندی و دواناوەندی لە شاری سلێمانی تەواوكردووە، پاشان لە ساڵی 1967 كۆلێژی زانستە سیاسییەكانی لە زانكۆی بەغدا تەواو كردووە، رێكخەری گشتی بزووتنەوەی گۆڕان بوو كە لەپاش جیابوونەوەی لە یەكێتی نیشتیمانی كوردستان لەگەڵ ژمارەیەك لە سەركردەی دیكەی یەكێتی ئەو بزووتنەوەیەیان دامەزراند.

.
نەوشیروان مستەفا لە ساڵی 1981 خێزانی پێكەوە ناوە، خێزانەكەی خوشكەزای ڕەفعەتی مەلای هاوڕێی دێرینی شاخ و شاریەتی و خاوەنی دوو كوڕ و كچێكە بەناوەكانی (چیا و نما و چرا).

.
لە بەرەبەیانی 19ی ئایاری 2017 نەوشیروان مستەفا لەشاری سلێمانی كۆچی دوایی كرد.

.

مەجید ساڵح ئاماژە بەوە دەكات بەردەوامن لە كۆكردنەوەی نامە و نووسراوەكانی نەوشیروان مستەفا و چەندین نامەیان دۆزیوەتەوە كە زۆرینەیان شتی گرنگن و دوای جیاكردنەوەی نامەكان، پلانیان هەیە لە داهاتوودا بیكەن بە كتێبیك.

.

باسی لەوەشكرد، پڕۆژەشیان هەیە كە ماڵەكەی نەوشیروان مستەفا بكەن بە مۆزەخانەیەك، بەڵام تا ئێستا جێبەجێنەكراوە و پێویستیان بە كاتی زیاترە بۆ كۆكردنەوەی سەرجەم ئەرشیفەكانی نەوشیروان مستەفا.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل