fbpx
Shadow Shadow

"دەبێت هێرشەکانی ڕابگرێت"

ساڵح و پۆمپیۆ هێرشەکانى تورکیایان بۆسەر ڕۆژئاوا تاووتوێکرد

22:20 دوو شه‌ممه‌ 14 تشرینی یه‌كه‌م 2019
article image

ناس کورد-

سەرۆککۆماری عێراق و وەزیری دەرەوەی ئەمریکا لەبارەى وەستاندنی هێرشە داگیرکارییەکانی تورکیا بۆسەر ڕۆژئاوای کوردستان، گفتوگۆیان کرد.

,

ئەمشەو دووشەممە 14ی تشرینی یەکەمی 2019، مایک پۆمپیۆ، وەزیری دەرەوەی ئەمریکا پەیوەندیەکی تەلەفۆنی لەگەڵ بەرهەم ساڵح، سەرۆککۆماری عێراق ئەنجامدا، بەپێی ڕاگەیاندراوێکی نوسینگەی ڕاگەیاندنی سەرۆککۆمار کە بۆ ناس کورد نێردراوە ئەوە خراوەتەڕو: “مایک پۆمپیۆ و بەرهەم ساڵح لەبارەى پەیوەندییەکانی نیوان عێراق و ئەمریکا و بەردەوامبوونی هاوکارییەکانی نێوانیان و کارکردنی بۆ زامنکردنی ئاسایشی عێراق گفتوگۆیان کردووە، جەختیانکردووەتەوە لە کارکرن بۆ هەماهەنگیکردنی یەکتر لەو هەڕەشانەی لەسەر عێراقن، هەروەها باس لەوەش کراوە دەبێت مافی هاوڵاتییانی عێراق و ئەزمونی دیموکراسی عێراق پارێزگاری لێبکرێت”.

,

نوسینگەی سەرۆککۆمار ئاشکراشیکردووە: “لە پەیوەندییەکەدا ساڵح و پۆمپیۆ باسیان لە گۆڕانکارییە ئاسایشییەکانی ناوچەکە کردووە، بەتایبەت هێرشەکانی تورکیا بۆسەر باکوری ڕۆژهەڵاتی سوریا و دڵنیاییان لەوە کردووەتەوە کە دەبێت هێرشەکانی تورکیا ڕابگیرێت و پێشێلکارییەکانی بەرامبەر هاوڵاتییان کۆتایی پێ بێت”.

,

جەختلەوەشکراوەتەوە، ڕێگە نەدریت بەهۆی ئەو شەڕەى تورکیاوە دووبارە داعش زیندوو ببێتەوە و شانەی چەکدار دروست بکات، چونکە ئەو چەکدارە دەستگیرکراوانەی داعش مەترسین بۆ سەر ناوچەکە و جیهان.

,

,

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل