fbpx
Shadow Shadow

ساڵح لەگەڵ ڕۆحانی و ئەردۆگان ئاسایش و ئاو و ئابوری ناوچەکەیان تاووتوێ کرد

10:01 پێنج شه‌ممه‌ 26 ئه‌یلول 2019
article image

ناس کورد-

سەرۆکى هەرسێ وڵاتى عێراق و ئێران و تورکیا، جەختیان لە ڕوبەڕوبوونەوەی تیرۆر و پاراستنی ئاسایشی ناوچەکە و برەودان بە پەیوەندییە ئابورییەکانیان کردەوە.

,

دوێنێ، چوارشەممە، 25ی ئەیلولی 2019، بەرهەم ساڵح، سەرۆککۆمار عێراق بە جیا چاوی کەوت بە هەردوو هاوشانە ئێرانی و تورکییەکەی، ڕۆحانی و ئەردۆگان، لەمیانەی بەشداریکردنیان لەکۆبوونەوەی ساڵانەی نەتەوەیەکگرتووەکان لە نیویۆرکی پایتەختی بازرگانی ئەمریکا.

,

بەرهەم ساڵح لە دیدارەکەیەدا لەگەڵ حەسەن ڕۆحانی باسیلەوەکردووە: “دەبێت جەختبکرێتەوە لە گرنگیدان بە زمانی دانوستان و گفتوگۆ لەپێناو گرەنتیکردن و پاراستنی ئاشتی و سەقامگیری لە ناوچەکە، هەروەها ڕێزگرتن لەمافی گەلان”.

,

هاوکات لە دیدارەکەدا، سەرۆککۆماری ئێران و عێراق باسیان لەوە کردووە: “دەبێت ڕێگری لەو هەوڵانە بکەن کە ناوچەکە بەرەو مەترسی و ئاڵۆزی زیاتر دەبەن”، هەروەها باسیان لە هاوکاری هەردوو وڵات کردووە لەپێناو دژایەتیکردنی تیرۆر.

,

لەلایەکى دیکەوە سەرۆککۆمارى عێراق لەگەڵ ڕەجەب تەیب ئەردۆگان و چەند بەرپرسێکی حکومەتی تورکیا کۆبوونەوەیەکی ئەنجامداوە و تێیدا باسیان لە دواین گۆڕانکارییە سیاسی و ئابورییەکانی ناوچەکە کردووتەوە، هەروەها مەلەفە هاوبەشەکانی نێوانیان تاووتوێکردووە، جەختیان کردووەتەوە لە هەماهەنگی هاوبەشى هەردوولا.

,

لە کۆبوونەوەی لەگەڵ ئەردۆگاندا باس لە هەندێک ڕێککەوتن و هەماهەنگی هاوبەش کراوە لەنێوان تورکیا و عێراق، لەبارەى ئاو و بازرگانی، جەختیان لە پاراستنی بەرژەوەندییەکانی هەردوو لایەن کردووەتەوە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل