fbpx
Shadow Shadow

رۆیته‌رز: سێ موشەكی كاتیۆشا له‌ ناوچه‌ی سه‌وزی به‌غدا كه‌وتنه‌ خواره‌وه‌

08:54 سێ شه‌ممه‌ 21 كانونی دووه‌م 2020
article image

ناس كورد-

ئاژانسی هه‌واڵی رۆیته‌رز له‌سه‌ر زاری سه‌رچاوه‌یه‌ك له‌ پۆلیسی عێراقه‌وه‌ بڵاوی كرده‌وه‌ “سێ موشه‌كی جۆری كاتیۆشا له‌ ناوچه‌ی سه‌وز له‌ شاری به‌غدا كه‌وتوونه‌ته‌ خواره‌وه‌”.

.

به‌گوێره‌ی سه‌رچاوه‌كه‌ی پۆلیسی عێراقی كه‌ لێدوانی بۆ ئاژانسی هه‌واڵی (رۆیته‌رز)داوه “ئه‌و سێ موشه‌كه‌ له‌ ناوچه‌ی زه‌عفه‌رانییه‌ی ده‌ره‌وه‌ی سه‌نته‌ری شاری به‌غدا ئاڕاسته‌ی ناوچه‌ی سه‌وز كراون”.

.

رونیشكراوه‌ته‌وه‌ “دووان له‌ موشه‌كه‌كان له‌ نزیك باڵیۆزخانه‌ی ئه‌مریكا كه‌وتونه‌ته‌ خواره‌وه‌ و هیچ زیانێكی لێنه‌كه‌وتۆته‌وه‌”.

.

هاوكات شانه‌ی راگه‌یاندنی ئه‌منی راگه‌یه‌ندراوێكی له‌و باره‌یه‌وه‌ بڵاوكرده‌وه‌ و تیایدا ئاماژه‌ی به‌وه‌ كرد “سێ موشه‌كی كاتیۆشا له‌ده‌وروبه‌ری ناوچه‌ی سه‌وز كه‌وتوونه‌ته‌ خواره‌وه‌”.

.

له‌ راگه‌یه‌ندراوه‌كه‌ی شانه‌ی راگه‌یاندنی ئه‌منی ئاماژه‌ به‌وه‌ كراوه‌ “موشه‌كه‌كان جگه‌ له‌ زیانی مادی هیچ زیانێكی گیانییان لێنه‌كه‌وتوه‌ته‌وه‌”.

.

ناوچه‌ی سه‌وز ژماره‌یه‌ك له‌ باڵه‌خانه‌ی حكومی و نوێنه‌رایه‌تی وڵاتانی جیهان له‌خۆده‌گرێت و دوای كوژرانی قاسم سولەیمانی، فەرماندەی گشتی هێزەكانی فەیلەقی قودسی سوپای پاسدارانی ئێران و ئەبو مەهدی موهەندیس، جێگری سەرۆكی دەستەی حەشدی شەعبی، لەلایەن ئه‌مریكاوه‌،به‌هۆی بوونی باڵیۆزخانه‌ی ئه‌مریكا زیاتر بووه‌ته‌ ئامانج و ناوبه‌ناو موشه‌كی ئاراسته‌ده‌كرێت.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل