fbpx
Shadow Shadow

دەستەی گەشتوگوزار: لەئێستادا نزیکەی نیوەی وەبەرهێنانی هەرێم لە کەرتی گەشتیاریدایە

18:16 پێنج شه‌ممه‌ 26 ئه‌یلول 2019
article image

ناس کورد-

 

لەسەروبەندى هاتنى رۆژى جیهانى گەشتوگوزاردا، ئامارەکان دەریدەخەن لە كۆی زیاتر لە 7ملیار مرۆڤ ساڵانە زیاتر لە ملیارێكیان دەبن بە گەشتیار، دەستەی گەشتوگوزاری هەرێمیش ئاشکراى دەکات “لەئێستادا ئاستی وەبەرهێنانی کەرتی گەشتیاری لە 38%ی كۆی وەبەرهێنانی هەرێمی كوردستان پێکدەهێنێت”.

.

سبەینێ (هەینی، 27ی ئەیلولی 2019) ڕۆژی جیهانی گەشتوگوزارە و  لە ساڵی 1980 بەدواوە ساڵانە ئەو یادە بە لۆگۆ و بە دروشمی جیاواز لە پێناو چەند ئامانجێك كە خزمەتی پەرەپێدانی گەشتیاری بکات دەكرێتەوە و بۆتە رۆژی جیهانی گەشتوگوزار و ئەمساڵ لە وڵاتی هیندستان بە دروشمی “گەشتوگوزار و دەرفەتی كار، ئایندەیەكی گەشتر بۆ هەموومان” یادەکە دەکرێتەوە.

.

بەگوێرەی ئامارە جیهانییەکان، لە كۆی زیاتر لە حەوت ملیار کەس، ساڵانە زیاتر لە ملیارێك مرۆڤ دەبن بە گەشتیار و زیاتر لە 10%ی داهاتی جیهان لە رێگای كەرتی گەشتیاری دابین دەكرێ، هەروەها زیاتر لە 10%ی هەلی كار لە كەرتی گەشتیاری دەڕەخسێ.

.

هاوکات لەو بارەیەوە، دەستەی گەشتوگوزاری هەرێمی كوردستان ڕاگەیەندراوێکی بڵاوکردەوە و ڕایگەیاند “هەرچەندە قەیران و شەڕی داعش بەرۆکی هەرێمی گرت، بەڵام لە دوای تەواوبوونی ئەو ڕووداوانە بە پلانێکی تۆکمە کەرتی گەشتیاری کەوتەوە سەرپێ و لەئێستادا ساڵانە نزیکەی سێ ملیۆن گەشتیار دێنە هەرێم، کە لە ئاستی پێش قەیرانەکان زیاترە”.

.

دەستەی گەشتوگوزاری هەرێم ئاماژەی بەوەشکردووە، بەهۆی ئەو بوژانەوەیە لە کەرتی گەشتوگوزاردا، لەچەند مانگی رابردووی ساڵی 2019 كەرتی گەشتیاری توانی لە وەبەرهێنان پلەی یەكەم تۆمار بكات و ئاستی وەبەرهێنان بگەیەنێتە لە 38%ی كۆی وەبەرهێنانی هەرێمی كوردستان.

.

لە راگەیەندراوەکەدا روونکراوەتەوە، جگە لەو پڕۆژانەی كە هاووڵاتیان لەسەر زەوی خۆیان یان بەشێوەی “مساتەحە” لەسەر زەوی شارەوانی و گەشتوگوزار كردوویانە، بەوەش ڕێژەی پڕۆژەكانی گەشتیاری زۆر بەرزتر دەبێتەوە كە ڕەنگە بگاتە 50%ی پڕۆژەكانی هەرێمی كوردستان.

.

دەستەی گەشتوگوزاری هەرێم جەخت دەکاتەوە :”زیادبوونی پڕۆژەی گەشتیاری هەلی كاری زیاتر بۆ هاووڵاتیان دەڕەخسێنێ‌ و تەكانێكی نوێ بە پێشخستنی كەرتی گەشتیاری دەدات و جوڵەیەكی نوێ دەخاتە ئابووری هەرێمی كوردستان”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل