fbpx
Shadow Shadow

دیمەنی کەشتییە ئێرانییەکە لە بەندەرێکی سووریا بڵاوکرایەوە

10:24 شه‌ممه‌ 07 ئه‌یلول 2019
article image

ناس کورد

ئاژانسی ڕۆیتەرز، چەند وێنەیەکی کەشتییە نەوتهەڵگرەکەی ئێرانی لە مانگە دەستکردەکانەوە بڵاوکردەوە کە لە بەندەری تەرتووسی سووریا تۆمار کراون.

.

له‌وێنه‌كه‌دا، كه‌شتى نه‌وتهه‌ڵگرى ئادریان دەریای 1، كه‌ پێشتر ناوى گرێس 1 بوو، به‌ڕوونى ده‌رده‌كه‌وێت، کە 6ی ئەم مانگە لە بەندەری تەرتووس نەوتەکەی خاڵی کردووە.

.

رۆیتەرز ئاشکرای کردووە، وێنەکانی کەشتییەکە لە لایەن کۆمپانیایەکی مانگە دەستکردەکان بە ناوی ماکسار تەکنەلۆژییەوە گیراون.

.

میدیاکان پێشتر بڵاویانکردەوە، هه‌فته‌ى ڕابردوو كه‌شتیه‌ ئێرانیه‌كه‌ له‌ ڕۆژئاواى سوریا و لە دەریای ناوه‌ڕاستدا ئامێرى چاودێرییکردنی كوژاندووه‌ته‌وە.

.

له‌بەرانبەردا جۆن بۆڵتن، گه‌وره‌ ڕاوێژكارى ئاسایشى نه‌ته‌وه‌یى ئه‌مریكا له‌تویتێکدا، وێنه‌ى كه‌شتییه‌كه‌ى بڵاوكردووه‌ته‌وه‌ و نوسیویه‌تى: “بۆ ئەوانەی كە بڕوایان نەدەكرد كەشتیی ئەدریان دەریای 1 ڕووی لە سوریا كردووە ئەوه‌ش وێنەكەیەتی.”

.

بۆڵتن باسی لەوەکردووە، “ئێران ئه‌وه‌نده‌ی له‌خه‌مى ئه‌سه‌د و ڕژێمه‌كه‌یه‌تى، ئه‌وه‌نده‌ خه‌مى گه‌له‌كه‌ى خۆى نیه‌، جه‌خت له‌سه‌ر ئه‌وه‌ش ده‌كاته‌وه‌ تا ئه‌و وڵاته‌ ده‌ست له‌درۆ و تیرۆر هه‌ڵنه‌گرێت ئه‌وان سزاكانى سه‌رى لانابه‌ن.”

.

ئه‌و كه‌شتیه‌ نه‌وتهه‌ڵگره‌ى ئێران كه‌پێشتر ناوى گرێس 1 بوو ڕِۆژى 4ى ته‌مووزی ئەم ساڵ له‌لایه‌ن ده‌سه‌ڵاتدارانى جه‌به‌لتاریقه‌وه‌ ده‌ستی به‌سه‌ردا گیرا و له‌ 15 ى ئابدا ئازاد كرا به‌و مه‌رجه‌ى نه‌وته‌كه‌ى له‌سوریا به‌تاڵ نه‌كات.

 

دیمەنی کەشتییە ئێرانییەکە لە بەندەرێکی سووریا بڵاوکرایەوە

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل