fbpx
Shadow Shadow

سیاسه‌تی

دیسان غازی ماڵان گران بووە یان دەستناکەوێت.. پەرلەمانتارێک باس لە هۆکارەکەى دەکات

15:23 هه‌ینی 24 كانونی دووه‌م 2020
article image

ناس کورد-

لە چەند شارێکی هەرێم بە تایبەت لە سلێمانی و هەولێر نرخی غازی ماڵان زیادی کردووە و لە هەندێک شوێنیش دەستناکەوێت و ئەندامێكی پەرلەمانی كوردستانیش هۆشداری دەدات لە بەرزبوونەوە و دروستبونی قەیرانی غاز و دەڵێت، ئەگەری هەیە تەنێك غاز بگاتە ملیۆنێك دینار و ئەگەر خەمی نەخوات، ئەوا وەك بەنزینی لێدێت كە پێشتر نرخی بەردەوام بەرزبویەوە و تا گەیشتە ئەم نرخەی ئێستا.

.

دوێنێ و ئەمڕۆش بەشێک لە هاوڵاتیان توشی گرفت بوون لە کرینی غاز، لە هەندێک شوێن هەر نەماوە، لەو شوێنانەشی کە دەستدەکەوێت نرخەکەى گران بووە.

 

كاروان گەزنەیی لە لێدوانێكدا بۆ ماڵپەڕی “ناس كورد” سەبارەت بە بە گرانبوون و قەیرانی كەمبونەوەی غاز وتی: “دوای ئەوەی لە دوو مانگی ڕابردوودا هۆشداریمان دا سەبارە بە بەرزبونەوەی نرخی غاز، بەڵام وەك هەمیشە وەزارەتی سامانە سروشتیەكان بەبێ‌ خەمخۆری و بەداواچوون پێشبینی و هۆشداریەكەی ئێمەی ڕەتكردەوە و تەئكیدیان لەوە كردەوە كە نرخی غاز بەرز نابێتەوە.”

.

ئەو پەرلەمانتارە وتیشی، “بەڵام وا جارێكی تر نرخی غاز بەرزبوەتەوە و تەنێك گەیشتوەتە سەرو 750 هەزار دینار و بەرەو ملیۆنێك دەچێت، بەهۆی ئەوەشەوە نرخی بتڵێك غاز بەرزدەبێتەوە.”

.

دەشڵێت، “دوو هۆكاریش لە پشت قەیرانەكەوەیە ئەوانیش كەمتەرخەمی وەزارەت لە بەدواداچوونی نرخی تەندەر و زیادكردنەكەی و دانەنانی ڕێوشوێنی پێویست بۆ ڕێگریكردن لە بەرزكردنەوەی نرخەكەی، هەروەها هۆكاری دووەم بریتیە لە بێدەسەڵاتی حكومەت بەرانبەر ئەو كۆمپانیایەی كە لە ساڵی پارەوە تائێستا تەندەری بە بازاڕكردنی غازەكەی لەدەستدایە و دەستیكردووە بە عەمباركردنی غاز لە مەخزەنی تایبەتی خۆی بە مەبەستی دروستكردنی پاڵەپەستۆ لەسەر بازار بە دەرەجە یەك و دواتریش لەسەر كۆمپانیا ڕكابەرەكەی كە بۆ ئەمساڵ تەندەرەكەی بە نرخی زۆر بەرز لێداوە.”

.

كاروان گەزنەیی بۆ “ناس كورد” ئەوەشی ڕونكردەوە کە “لەوانەیە نرخی غازیش وەك نرخی بەنزینی لێبێت كە پێشتر وردە وردە بەرز بویەوەو تا گەیشتە ئەم نرخەی ئێستاو دواتریش نرخەكەی دانەبەزیەوە.”

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل