fbpx
Shadow Shadow

سیاسه‌تی

دۆسیەی “به‌هه‌ده‌ردانی پاره‌”ی ئەنجومەنی باڵای خانمان ڕەوانەی داواکاری گشتی کرا [تایبه‌ت]

21:39 چوار شه‌ممه‌ 15 كانونی دووه‌م 2020
article image

ناس کورد-

ئه‌و په‌رله‌مانتاره‌ی كه‌ دۆسیه‌ی “به‌هه‌ده‌ردانی پاره‌”ی ئه‌نجومه‌نی باڵای خانمانی جوڵاند و ئاشكرا كرد، رایگه‌یاند “دۆسیه‌كه‌ له‌ئێستادا له‌به‌رده‌ست سه‌رۆكایه‌تی داواكاری گشتیی هه‌رێمی كوردستانه‌”.

.

ئاشنا عەبدوڵڵا،ئەندامی پەرلەمانی کوردستان لە فراکسیۆنی گۆڕان، بە ناس کوردی ڕاگەیاند :”دوای کۆکردنەوەی زانیاری تەواو لەسەر دۆسیه‌كه‌ بە نوسراوی فەرمی لەڕێگەی سەرۆکایەتی پەرلەمانی کوردستانەوە، داوامان لە دیوانی چاودێری دارایی هەرێم  کرد ڕاپۆرتی خۆی سەبارەت بە ڕاستی ودروستی زانیارییەکانی ئێمە ئاڕاستەی پەرلەمانی کوردستان بکات”.

.

ئاشنا عەبدوڵڵا، رونیكرده‌وه‌، ڕاپۆرتەکەی دیوانی چاودێری دارایی زانیارییەکانی ئەوانی پشتڕاست کردووەتەوە و پشتگیری لە زانیارییەکانیان کردووە، بۆیە لە ئێستادا دۆسییەکە ڕەوانەی داواکاری گشتی هەرێم کراوە، چاوەڕێی ئەوەش دەکەن لە ماوەیەکی نزیکدا داواکاری گشتی هەرێم ڕێکاری یاسایی خۆی دژ بەو ئەنجومەنە بگرێتە بەر.

.

وتیشی:”هەرچەنده‌ لەئێستادا سەرقاڵی پڕۆژە یاسای چاکسازین، بەڵام توانیمان دۆسیەکە بدەینە داواکاری گشتی”.

.

پێشتر هەردوو پەرلەمانتاری فراکسیۆنی گۆڕان له‌ په‌رله‌مانی كوردستان (دابان محەمەد و ئاشنا عەبدوڵڵا)، رایانگه‌یاند “لەماوەی ڕابردوودا زیاتر لە 700 ملیۆن دینار بۆ ئەنجومەنی باڵای کاروباری خانمان تەرخانکراوە و بەهەدەردانی زۆر بە پارەکەوە کراوە”.

.

به‌وته‌ی ئه‌و دوو په‌رله‌مانتاره‌ “بەگوێرەی بەڵگەکان، 90 هەزار دینار دراوە بە سێتێک کۆکا کۆلا و سێ ملیۆن دیناریش دراوە بە بابەتی جوانکاری و سوراو،  هەروەها پسوڵەی خەرجکردنی 75 ملیۆن دیناریش دیار نیە”.

.

هاوكات ئەنجومەنی باڵای کاروباری خانمان لە ڕاگەیەندراوێکدا وەڵامی ئەو دوو پەرلەمانتارەی گۆڕانی دایه‌وه‌ و ئاماژه‌یان به‌وه‌ كرد “ده‌بوو ئەو پەرلەمانتارانە وردبینی زیاتریان بکردایە ئینجا ئەو بابەته‌یان بڵاو بکردایەتەوە”.

.

ره‌تیشیانكرده‌وه‌ “هیچ پارەیەکیان بەهەدەر دابێت و ئامادەن بۆ لیکۆڵێنەوەی یاسایی”.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل