fbpx
Shadow Shadow

دۆخى ئابورى و سیاسیی عێراق پاش دەستلەکارکێشانەوەى عەبدولمەهدى بەرەو کوێ؟

15:11 یه‌ك شه‌ممه‌ 01 کانونی یەکەم 2019
article image

ناس کورد- هەڤاڵ فەتاح

وتارێکى مەرجەعى باڵاى شیعە لە عێراق، کۆتایی بە ململانییەى عەبدولمەهدى هێنا بۆ مانەوەى لەسەر کورسییەکەى، ناچاری کرد نامەى دەستلەکارکێشانەوەى ئاڕاستەى پەرلەمان بکات و پەرلەمانى عێراقیش ئەمڕۆ یەکشەممە دەستلەکارکێشانەوەکەى پەسەندکرد.

,

ئەوەى لەلایەن چاودێرانی عێراقەوە خوێندنەوەى بۆ دەکرێت، عێراقی پاش عەبدولمەهدییە، کە پێیان وایە ئاڵنگارییەکى گەورە چاوەڕوانى وڵاتەکەیە.

,

دۆخى ئابورى و سیاسیی عێراق پاش دەستلەکارکێشانەوەى عەبدولمەهدى بەرەو کوێ؟

 

,

مەترسییە سیاسییەکانى پاش عەبدولمەهدى

بەگوێرەى دەستورى عێراق دەبێت لەماوەى 15 ڕۆژدا جێگرەوەیەک بۆ عەبدولمەهدى دیاریبکرێت، لەوبارەیەوە سەباح زەنگەنە، چاودێرى سیاسی عێراق تایبەت بە ناس کوردی ڕاگەیاند: “ئەستمە لایەنە سیاسییەکان بتوانن لەماوەی 15 ڕۆژدا جێگرەوەیەک بۆ عادل عەبدولمەهدی بدۆزنەوە”.

,

ئەو چاودێرە وتیشی: “ئەگەر لایەنە سیاسییەکانی عێراق دەستوبرد نەکەن لە دۆزینەوەی جێگرەوەیەکی گونجاو بۆعەبدولمەهدی، ئەوا مەترسییەکان لەسەر دۆخی سیاسی و ئەمنیی عێراق لەگەڵ تێپەڕبوونی هەر ڕۆژێک زیاددەکات”.

,

زەنگەنە ئاماژەی بەوەشکرد: “لایەن سیاسییەکان تائێستا سەرەڕای ئەو هەموو خۆپیشاندانە و ئەو هەموو قوربانییانە نایانەوێت ئاوڕ لە داواکاری خۆپیشاندەران بدەنەوە، بەهیچ شێوەیەکیش ڕازى نابن لە بەرژەوندییەکانیان بدرێت لەپێناو مافە ڕەواکانی خەڵکدا”.

,

ئەو چاودێرەى سیاسییە عێراقییە هۆشدارى ئەوەشى دا، گەربێت و دۆخى عێراق چارەسەر نەکرێت، ئەوا مەترسی سەرهەڵدانەوەى داعش هەیە، بەدووریشی دەزانێت، هاوشێوەى جارى پێشو خەڵکی ناوەڕاست و باشوری عێراق “بەرخۆدان و بەرگری بکەن لە ناوچەکانیان”.

,

وتیشی، دیاریکردنی سەرۆکوەزیرانێکی نوێ سەختترین قۆناغی سیاسی دەبێت، کە عێراق پێیدا تێپەڕدەبێت.
,

 

دۆخى ئابورى و سیاسیی عێراق پاش دەستلەکارکێشانەوەى عەبدولمەهدى بەرەو کوێ؟

,

مەترسییە ئابورییەکان چین؟

ئابوریناسێکى عێراقى پێی وایە، دۆخی ئابوری عێراق پاش دەستلەکارکێشانەوەی حکومەتى ئێستا، خراپتر نابێت لەو دۆخەی کە ئێستا وڵاتەکەى تێدایە.

,

هومام شەماع، شارەزای ئابوری لەوباریەوە تایبەت بە ناس کوردی ڕاگەیاند: “حکومەت لەماوەی دوومانگی ڕابردوودا نەیتوانیوە هیچ دەستپێشخەرییەکی ئابوری پیشکەش بە وڵات بکات، ئەو ڕێکارە ئابورییانەشی کە گرتونیەتییەبەر بۆ ڕازیکردنی خۆپیشاندەران، ئەوەندی تر باری سەرشانی بودجەی گشتیی 2020ى عێراقی قورسترکردووە”.

,

ئەو ئابوریناسە وتیشى، بەهۆی ڕێکارە ئابورییەکانی حکومەتەوە ڕێژەی کورتهێنان لە بودجەی گشتیی 2020ى عێراق گەیشتوەتە ئاستێکی مەترسیدار کە 50 تریلیۆن دینارە کە دەکاتە 60%.

,

ئەو ئابوریناسە، ئاماژەی بەوەشکرد، یەکەم جارە عێراق لە ماوەی شانزە ساڵی ڕابردوودا بودجەکەی بەوشێوەیە  کورت بهێنیت، ساڵانی ڕابردوو قەبارەی کورتهێنانی بودجە پازدە ترلیۆن دیناری تێپەر نەکردووە.

,

شەماع ئەوەشی ڕونکردەوە، ئەم دۆخە ئابورییە کە ئێستا عێراقی تێدایە، بەردەوام دەبێت تا ئەوکاتەی حکومەتێکی هەڵبژێردراو دەسەڵات وەردەگرێت، ئەوکاتیش دەبێت دەست بکات بە کەمکردنەوەی خەرجییەکان و سەرجەم ڕێکارە ئابورییەکانی ئەم حکومەتە هەڵوەشێنێتەوە.

,

بەهۆی خۆپیشاندانەکان و دوابەدوای وتاری هەینی 29ی تشرینی دووەمی 2019 ی مەرجەعییەتی شیعەی عێراق، عادل عەبدولمەهدی، سەرۆکوەزیرانی عێراق دەستلەکارکێشانەوەی خۆی ڕایگەیاند

,

ئەمرۆ یەکشەممە 1ى کانونى یەکەمى 2019، پەرلەمانی عێراق، نامەی دەستلەکارکێشانەوەکەی عادل عەبدولمەهدى پەسەند کرد، بەوپێیەش حکومەت دەبێتە کاربەڕێکەر تا ئەوکاتەی یاساکانی هەڵبژاردن و کۆمسیۆنی باڵای هەڵبژاردنەکان هەمواردەکرێنەوە.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل