fbpx
Shadow Shadow

دژى خانەنشینى پلە باڵاکان.. شەقام فشارەکانى بۆ سەر پەرلەمان چڕ دەکاتەوە

12:33 سێ شه‌ممه‌ 14 كانونی دووه‌م 2020
article image

ناس کورد-

خۆپیشاندان و گردبوونەوەى بەشێک لە هاووڵاتییان لە شارو شارۆچکەکانى هەرێمى کوردستان بەردەوامە بە ئامانجى فشارخستنە سەر پەرلەمانى کوردستان تا موچەى خانەنشینى پلە باڵاکان لە پڕۆژەى چاکسازیدا بەڕێژەیەکى بەرچاو کەمبکرێتەوە.

.

بەردەوامى فشارەکان هاوکاتە لەگەڵ تەواوکردنى خوێندنەوەى دووەم بۆ پڕۆژە یاساکە کە بڕیارە ڕۆژى (پێنجشەممە) بخرێتە دەنگدانەوە.

.

ئەمڕۆ (سێشەممە) بەشێک لە هاووڵاتیان و مامۆستا و چالاكوانی مه‌ده‌نی لەشارى سلێمانى گردبوونەوە و داوایانکرد، موچەى خانەنشینى پلە باڵاکان لەنێوان 500 هەزار بۆ سێ ملیۆن دینار بێت.

.

هەروەها داواى ئەوەیانکرد کە خانەنشینى نایاسایی پلە باڵاکان هەڵبوەشێنرێتەوە، هیچ کەسێک خانەنشین نەکرێت ئەگەر تەمەنى نەگەیشتبێتە 45 ساڵ و 15 ساڵ خزمەتى نەبێت.

.

هاوکات لە یاداشتێکدا بەناوى هاووڵاتییانى سلێمانییەوە کە ئاڕاستەى پەرلەمانى کوردستان کراوە، ئاماژە بەوەکراوە “پشتگیری هەموو هەنگاوێكی چاكسازی دەكەین کە  ببێتە مایەی بەدیهاتنی دادپەروەری لەنێوان موچەخۆرانی هەرێم كە جیاوازی نەكرێت لە نێوان پلە باڵاكان و فەرمانبەرێكی ئاسایی”.

.

ئاماژە بەوەشکراوە “ده‌بوایه‌ ئه‌و یاسایه‌ له‌ئاستی قۆناغه‌كه‌ و داواكاری خه‌ڵك بوایه‌و ره‌چاوی سه‌دان هه‌زار ده‌رچووی دانه‌مه‌زراوی بكردایه ‌و چاره‌سه‌ری دامه‌زراندن و هه‌لی كار و توڕه‌یی خه‌ڵكی بكردایه‌”.

.

لە یاداشتەکەدا هاتووە “دیاریكردنی‌ موچه‌یه‌كی خانه‌نشینی زۆر بە یاسا بۆ كه‌سانێك كه‌ دوو یان سێ و چوار ساڵ ده‌بنه‌ په‌رله‌مانتار یان وەزیر و بەڕێوەبەری گشتی و راوێژکار و دادوه‌ر و دا‌واكاری گشتی…دەبێتە كارەسات بۆ داهاتی نەوەكانی دواتر بە شێوەیەك كە داهاتی هەرێم تەنها بەشی موچەی خانەنشینی پلە باڵاكان بێت”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل