fbpx
Shadow Shadow

“دوو کۆمپانیای نزیک لە پارتی لە خاڵێکی سنوری هەرێم بە نایاسایی گومرگ وەردەگرن”

22:07 پێنج شه‌ممه‌ 16 كانونی دووه‌م 2020
article image

ناس کورد-

،

ئەندامێکی پەرلەمانی عێراق ئاشکرایدەکات، دوو کۆمپانیای “دوو بەرپرسی پارتی” لە خاڵی سنوری سمێلکای نێوان هەرێم و ڕۆژئاوا دانراون و بە نایاسایی گومرگ لە خەڵک وەردەگرن، هەر لەوبارەیەوە نوسراوێکی ئاڕاستەی وەزیری دارایی عێراق کردووە بۆ لێکۆڵینەوە  و نوسیویەتی: “تۆ وەزیری حزبی، یان وەزیری دارایی عێراق”.

،

غالب محەمەد، ئەندامی پەرلەمانی عێراق لە فراکسیۆنی گۆڕان بە ناس کوردی ڕاگەیاند: “دوو کۆمپانیا لە خاڵی سنوری سمێلکای نێوان هەرێم و ڕۆژئاوای کوردستان واتە سوریا لە سەرەتای کردنەوەی خاڵە سنورییەکەوە لەوێ دانراون و گومرگ لە خەڵک وەردەگرن و کەسیش نازانێت داهاتەکەی بۆ کوێ دەچێت”.

،

وتیشی: “هەردوو کۆمپانیاکە نزیکن لە پارتی دیموکراتی کوردستانەوە و لەلایەن دوو بەرپرسی ئەو حزبەوە خاوەندارێتی دەکرێن”.

،

غالب محەمەد ئاماژەی بەوەشکرد، داهاتی خاڵە سنورییەکە زۆر زیاترە لە داهاتی خاڵە سنورییەکانی سنوری سلێمانی، بەڵام داهاتەکەی نە بۆ حکومەتی هەرێم و نە حکومەتی عێراق ناگەڕێتەوە.

،

پەرلەمانتارەکەی گۆڕان باسی لەوەشکرد، لەماوەی ڕابردوودا لەسەر ئەو بابەتە نوسراوێکی ئاڕاستەی، فواد حسێن، وەزیری دارایی عێراق کردووە، بەڵام تائێستا هیچ وەڵامێکی نەداوەتەوە.

،

ئەوەشی خستەڕوو، لەدوای وەڵامنەدانەوەی نوسراوەکەی و لەئێستادا، نوسراوێکی دیکەی بۆ فواد حسێن ناردووە و داوایکردووە، بەدواداچون بكات بۆ ئەو دوو كۆمپانیای حزبیە و لە نوسراوەکەدا ئاماژەی بەوەشکردووە: ” ئایا تۆ (وەزیری حزبیی) کە نەخشەڕێ بۆ کۆمپانیا حزبیەکان دادەنێی، یان وەزیری دارایی عێراقی فیدڕاڵی”.

 

"دوو کۆمپانیای نزیک لە پارتی لە خاڵێکی سنوری هەرێم بە نایاسایی گومرگ وەردەگرن"

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل