fbpx
Shadow Shadow

دوو په‌رله‌مانتار هۆشداری له‌‌ سه‌رله‌نوێ سەپاندنه‌وه‌ی پاشەکەوتی موچە به‌سه‌ر فه‌رمانبه‌ران ده‌ده‌ن

12:08 دوو شه‌ممه‌ 13 كانونی دووه‌م 2020
article image

ناس کورد-

دوو په‌رله‌مانتار له‌ ناو هۆڵی په‌رله‌مانی كوردستانه‌وه‌ هۆشداری دەدەن لەوەی مادەی پێنجەمی پڕۆژە یاسای چاکسازی دەستی حکومەتی هەرێم واڵا دەکات، بۆ کەمکردنەوەی دەرماڵەی فەرمانبەران، کە ئەوەش بە یاسایکردنی پاشەکەوتی موچەیە.

.

هەورامان گەچێنەیی، ئەندامی په‌رله‌مانی كوردستان له ‌فراکسیۆنی کۆمەڵ لە میانی دانیشتنی پەرلەماندا بۆ خوێندنەوەی دووەم بۆ پڕۆژە یاسای چاکسازی ڕایگەیاند:”مادەی پێنجەمی پڕۆژە یاسای چاکسازی وادەکات حکومەت بتوانێت بەشێوەیەکی یاسایی دەستکاری 56٪ی موچەی فەرمانبەران بکات کە دەرماڵەیە”.

.

وتیشی، ئەو مادەیە مەترسی لای فەرمانبەران دروستکردووە کە هەمان پاشەکەوتی موچەی ڕابردوو بەشێوەیەکی یاسایی بسەپێندرێتەوە.

.

ئەو پەرلەمانتارە پێشنیازی ئەوەیکرد، ئەو مادەیە لاببرێت و پڕۆژە یاسایەکی دیکە بۆ پرسی ڕێکخستنەوەی دەرماڵەکان لە پەرلەمان دەربچێت و حکومەت کاری لەسەر بکات.

.

هاوکات کازم فاروق، سەرۆکی فراکسیۆنی نەوەی نوێ، هەر لەسەر ئەو مادەیە ئاماژەی بەوەکرد :”مادەی پێنجەم هەر لەئێستاوە بووەتە هۆی ساردبوونەوەی بازاڕەکان، بەهۆی ئەوەی مەترسی دووبارە سەرهەڵدانەوەی قەیرانی دارایی و کەمبوونەوەی داهاتی تاک هەیە”.

.

سەرۆکی فراکسیۆنی نەوەی نوێ پێشنیازی ئەوەیکرد، کە بڕگەیەک بۆ ئەو مادەیە زیاد بکرێت و ئاماژە بەوە بکرێت کە:”ئەو مادەیە بەهیچ شێوەیەک نەبێتە هۆی کەمکردنەوەی موچەی فەرمانبەران”.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل