fbpx
Shadow Shadow

دوو هاوسەرۆکى شارەوانى و بەرپرسێکى هەدەپە دەستگیرکران

12:07 هه‌ینی 08 تشرینی دووه‌م 2019
article image

ناس کورد-

هێزە ئەمنییەکانى تورکیا دوو هاوسەرۆکى شارەوانى و بەرپرسێکى پارتى دیموکراتى گەلان (هەدەپە) یان دەستگیرکرد.

.

بەپێی ئاژانسى فورات نیوز، سەدات شەنئۆغلۆ هاووتەبێژی کۆنگرەی دیموکراتیکی گەلان لەئامەد دەستگیرکراوە و بۆ بەڕێوەبەرایەتی پۆلیسی ئەستەنبوڵ گواسترایەوە.

.
ئاماژە بەوەشکراوە، شەنئۆغلۆ سێ ڕۆژ لە زیندانی بەڕێوەبەرایەتی پۆلیسی ئەستەنبوڵ دەمێنێتەوە و دواتر دادگایی دەکرێت.

.
بەپێی ئاژانسەکە، هەروەها هێزە ئەمنییەکانى تورکیا، ئازیم یاجان و شەهزادە کورت هاوسەرۆکانی شارەوانی ناوچەی رێگەی ئارمووشی وانیان دەستگیرکردووە.

.
دواى دەستگیرکردنیان، هاوسەرۆکانی شارەوانی بۆ بەڕێوەبەرایەتی پۆلیسی وان گواسترانەوە. پۆلیسی تورکیاش باڵەخانەی شارەوانیان گەمارۆداوە و رێگە بە کەس نادەن بچنە ناو باڵەخانەکەوە.

.
لەدواى هەڵبژاردنى شارەوانییەکانى تورکیاوە، هێزە ئەمنییەکانى ئەو وڵاتە چەندین سەرۆک شارەوانى و بەرپرسی هەدەپەیان بە تۆمەتى جیاجیا دەستگیرکردووە و هەدەپەش پڕۆسەکە بە سیاسی دادەنێت.

.
تا ئێستا 14 سەرۆک شارەوانى هەدەپە لەکارەکانیان دورخراونەتەوە و دەستگیرکراون و لەشوێنیان کەسانى دیکە بە قەیوم دانراون.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل