fbpx
Shadow Shadow

پۆلیس چیرۆکەکە بۆ ناس کورد دەگێڕێتەوە

دوو منداڵ وەک “بێسەروشوێن بو” ڕاگەیەندران بەڵام دەرکەوت بۆ گەشت چونە بۆ چاڤیلاند

12:59 هه‌ینی 13 کانونی یەکەم 2019
article image

ناس کورد- هەڤاڵ فەتاح

پاش ئەوەى دوو کچى منداڵ لە ناحییەى ڕزگارى وەک “بێسەروشوێن بو” ڕاگەیەندران و خانەوادەکەیان پۆلیسی گەرمیانى ئاگادار کردەوە، دەرکەوت ئەو دوو کچە منداڵە بە ویستی خۆیان و بێ یارمەتى چونەتە چاڤیلاند لە سلێمانى.

,

عەلى جەمال قدورى، وتەبێژی پۆلیسی گەرمیان لەوبارەیەوە تایبەت بە ناس کوردى ڕاگەیاند: “دوای ئەوەى دوێنێ پێنجشەممە خانەوادەى دوو کچى دانیشتوى ناحیەى ڕزگارى لە گەرمیان پۆلیسیان ئاگادار کردەوە لەوەى کچەکانیان لەماڵ دەرچوون بۆ قوتابخانە و نەگەڕاونەتوە و ونبوون، پۆلیسی گەرمیان دەستی بە لێکۆڵێنەوە کرد”.

,

وتەبێژەکەى پۆلیسی گەرمیان ئەوەشى وت: “پاش بڵاوکردنەوەی هەواڵەکە لەڕێگەی پەیجی پۆلیسی گەرمیانەوە و بڵاوبوونەوەی هەواڵەکە ئاگادارکراینەوە کە ئەو دوو منداڵە لەنێو چاڤیلاند لەشاری سلێمانی دۆزراونەتەوە و لای هێزە ئەمنییەکانی سلێمانیین و کەسوکاری منداڵەکانیش ئاگادارکرانەوە”.

,

سەبارەت بەوەى منداڵەکان خۆیان ڕۆشتون یاخود ڕفێندراون، وتەبێژى پۆلیسی گەرمیان وتى: “دوای لێکۆڵینەوەیەکى ورد، بۆمان دەرکەوت ئەو دوو منداڵە خۆیان و بە ئارەزوی خۆیان ئەو کارەیان کردووە و لەلایەن هیچ کەسێکیشەوە نە یارمەتی دراون نە ڕفێندراون”.

,

ئاماژەی بەوەشکرد، ماوەى نزیکەى هەشت کاتژمێر ئەو دوو منداڵەى بێسەروشوێن بوون و دیارنەبوون.

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل