fbpx
Shadow Shadow

سیاسه‌تی

دواى کوشتنى ملیۆنان گیاندار و سوتاندنى بەشێکى گرنگی سەوزایى زەوى ئاگرەکەى ئوسترالیا کۆنترۆڵکرا

20:45 پێنج شه‌ممه‌ 13 شوبات 2020
article image

ناس کورد-

 

دەسەڵاتدارانى ئوسترالیا ڕایانگەیاند، سەرجەم ئەو ئاگرانەیان کۆنترۆڵکردوە کە لەویلایەتى نیو ساوس وێڵزی ئەو وڵاتە سەری هەڵداو بەوەش یەکێک لە گەورەترین تەنگژەکان کە چەند مانگێکە ڕوبەڕوى ئوسترالیا بوەتەوە کۆتایى هاتوە.

،

هەر لەو بارەیەوە بەڕێوەبەرایەتى ئاگرکوژێنەوەى ئوسترالیا بڵاویکردەوە، ولایەتى نیو ساوس وێڵز زەرەرمەندترین ولایەتى ئوسترالیا بوو لە ئاگرەکەو تەنگژەکە کۆتایى هات کە بەهۆیەوە 33 کەس بونە قوربانى.

،

رونیشکراوەتەوە، رۆژى پێنج شەممە کۆنترۆڵکردنى ئاگرەکە بەتەواوەتى کۆتایى هات کە لە کۆنترۆڵکردنەکەدا بارین بارین هاوکارێکى باش بووە.

،

بەپێى زانیاریەکان، ئاگرەکەى ئوسترالیا کە لە مانگى نۆى ساڵى رابردووەوە سەریهەڵدا 10 ملیۆن هێکتار زەوی لە رۆژهەڵات و باشورى ئەو وڵاتە گرتەوەو بەهۆیەوە زیاتر لە یەک ملیار گیاندار لەناوچون و دوکەڵ بۆ چەندین هەفتە ژمارەیەک  شارى داپۆشى و بەهۆى ئەوەشەوە ئەو شارانە دابڕان و گەشتى ئاسمانى تێیاندا وەستێنران.

،

ماوەى چەند رۆژێکە بارابارین لەو وڵاتە دەستى پێکردوەو ئەوەش هاوکار بوو لە کۆنترۆڵکردنى ئاگرەکە و پیاوانى ئاگر کوژێنەوەش بەردەوام رۆژانە سەرقاڵى کۆنترۆڵکردنى بوون، هاوینى ئەمساڵى ئوسترالیاش بە “هاوینى رەش” ناودەبرێت.

،

لەلایەکى ترەوە ڕۆب رۆدجەرز، بەرپرسى بەڕێوەبەرایەتى ئاگرکوژێنەوەى دەشتەکانى نیو ساوس وێڵز لەگرتەیەکى ڤیدیۆیدا لەتۆڕە کۆمەڵایەتیەکان بڵاویکردەوە: “هەرچەندە ئاگرەکە کۆنترۆڵ کراوە، بەڵام چەند ئاگرێکى بچوک ماون و تیمەکانى ئاگرکوژێنەوە سەرقاڵن، لەمەودوا دەستدەکەین بەهاوکارى کردنى خەڵک بۆ دوبارە بنیادنانەوە”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل