fbpx
Shadow Shadow

ئەمریکا تیمى دیبلۆماسیشى کشاندەوە

دواى ئەمریکا، فەڕەنساش لە ڕۆژئاواى کوردستان دەکشێتەوە؟

12:35 دوو شه‌ممه‌ 14 تشرینی یه‌كه‌م 2019
article image

ناس کورد-

تیمى دیبلۆماسی ئەمریکا کە کاریان بۆ سەقامگیریی سوریا دەکرد باکورى سوریایان جێهێشت، فەڕەنسا ڕێوشوێنى نوێ بۆ پاراستنى ئاسایشى هێزەکانى لە ڕۆژئاواى کوردستان دەگرێتەبەر.

.

ئاژانسى ڕۆیتەرز بڵاویکردەوە، دواى کشانەوەى هێزەکانى ئەمریکا و چوونى سەربازانى سوریا بۆ باکورى سوریا، ئەو تیمە دیبلۆماتکارەى ئەمریکا لە باکورى سوریا کشانەتەوە کە سەرقاڵى کارکردن بوون بۆ سەقامگیریی سوریا و پێشکەشکردنى پڕۆژە لەو بارەیەوە.

.

هاوکات حکومەتى فەڕەنسا دواى کۆبوونەوەیەکى بەپەلە ڕایگەیاند، لەچەند کاتژمێرى داهاتوودا ڕێشوێنى پێویست دەگرێتە بەر بۆ گرەنتى پاراستنى ئاسایشى هێزەکانى و دیبلۆماتکارەکانى لە باکورى ڕۆژهەڵاتى سوریا.

.

بەپێی بەیاننامەیەکى سەرۆکایەتى فەڕەنسا، کارى لەپێشینەى ئەو وڵاتە ڕێگریکردنە لەسەرهەڵدانەوەى داعش و بەوردى چاودێرى مەترسییەکانى دواى هەڵهاتنى چەکدارە زیندانکراوەکانى داعش دەکەن.

.

ڕۆژى یەکشەممە ئیمانوێل ماکرۆن سەرۆکى فەڕەنسا هۆشداریدابوو لەوەى هێرشەکانى تورکیا ببێتە هۆى دووبارە سەرهەڵدانەوەى داعش.

.

فەڕەنسا هێزێکى تایبەتى لەناوچەکانى باکور و رۆژهەڵاتى سوریا جێگیرە، کە لەچوارچێوەى هاوپەیمانى نێودەوڵەتیدا بەسەرۆکایەتى ئەمریکا کاردەکەن.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل