Shadow Shadow

"ئامارێکی تایبەت بە زیانی بۆردومانەکانی تورکیا"

دهۆك: به‌هۆی بوردومانه‌كانی توركیا نزیکەی 300 گوند چۆڵکراون  

23:16 چوار شه‌ممه‌ 19 حوزه‌یران 2019
article image

ناس كورد- عه‌مار میرداڤی

بەهۆی بۆردومانی فڕۆکە جەنگیەکانی تورکیاوە، نزیکەی 300 گوند لە سنوری پارێزگای دهۆک چۆڵکراون زیاتر لە 20 هاوڵاتیش شەهید بوون.

.

ڕزگارسدقی، ئه‌ندامی ئه‌نجۆمه‌نی پارێزگای دهۆك، به‌ ناس كوردی ڕاگه‌یاند، بەپێی ئەو بەدواداچوونانەی ئەنجامیانداوە، بەهۆی بۆردومانە بەردەوامەکانی سوپای تورکیا، لە ساڵی  2017ەوە، 296 گوند لە سنوری پارێزگای دهۆک چۆڵکراون و 22 هاوڵاتیش شەهیدبوون.

.

گوندەکان کەوتوونەتە سنوری قەزاکانی ئامێدی، ئاکرێ و زاخۆ، بەشێوەیەک لە زاخۆ 78 گوند، لە ئامێدی 198 گوند و لە ئاکرێش 20 گوند چۆڵکراون.

.

ئەنجومەنی پارێزگای دهۆک دوو ساڵ دەبێت، لیژنەیەکی تایبەتی لە سەر بۆردومانەکانی تورکیا پێکهێناوە کە داتاو ئاماری زیانەکان و قوربانیانی کۆکردوەتەوە.

.

بەپێی ئەو داتایانە، له‌ ساڵی 2017ەوە، تاوه‌كۆ كۆتایی مانگی ئایاری 2019، (22) هاوڵاتی مەدەنی له‌ ناوچه‌كه‌ شه‌هید كراون و 5 كه‌سیش برینداربوون.

.

لە بارەی زیانە ماددییەکانەوە، ڕزگارسدقی دەڵێت: “زيانه‌ ماددیه‌كان ئه‌وه‌نده‌ زۆرن هه‌موومان ‌هه‌ژمار نەکردووه‌ به‌ڵام ده‌یان ملیار دینار زیانی گه‌یاندووه‌ بەهاوڵاتیانی ناوچه‌كه‌ و فه‌رمانگه‌ حكومیه‌كان.”

.

هەروەها ئاماژە بەوەدەکات لیژنەکەیان چەندینجار داوای لە حکومەتی هەرێم و بەغدا کردووە زیانلێکەوتوان قەرەبوو بکاتەوە بەڵام تا ئێستا کەس قەرەبوو نەکراوەتەوە.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل