fbpx
Shadow Shadow

"ژنەکەى بەبەرد کوشتووە کە هێشتا زیندوو بووە"

دانپێدانانى ئەو کەسەى خێزانێکى پێنج کەسى لە هەولێر کوشت

15:20 دوو شه‌ممه‌ 07 تشرینی یه‌كه‌م 2019
article image

ناس کورد-

 

ئاسایشی هه‌ولێر دانپێدانانی ئەو کەسەى بڵاوکردەوە کە كه‌ رۆژی دووى ئەم مانگە خێزانێكی پێنج كه‌سی له‌ گوندی پیڕه‌ڕه‌شی شاری هه‌ولێر كوشت.

.

بەپێی ڕاگەیەنراوێکى ئاسایش، ئەو کەسەى ئەندامانى خێزانەکەى کوشتووە ناوى فەرەیدون کەریمە و دواتر تەرمی قوربانییەکانی بەجێهێشتووە، زیاتر لە دوو ساڵە، په‌یوه‌ندیی دراوسێیەتی لەگەڵ (بسام حسین رسوڵ) ناسراو بە (هەیسەم) هەبووە، نزیکەی مانگێکیشە ساردی کەوتبووە نێوانیان.

.

ئاماژە بەوەشکراوە، ئیوارەی 2/10/2019 تاوانبار بە ئۆتۆمبێلەکەی خۆی، ئەو خێزانەی بردووە بۆ پیاسەکردن، پاشان دەمەقاڵێ لە نێوان تاوانبار (فه‌رەیدون) و (هەیسەم)ـی قوربانی دروستبووە، لە ئەنجامدا تاوانبار بە چەکی کڵاشینکۆف (هەیسەم)ــی کوشتووە، پاشان دەستڕێژی لە هاوسەرەکەی هەیسەم بەناوی (سوالین محمد نزیر) کردووە، ئینجا هەر سێ منداڵەکەی (حسین 11 ساڵ، روشکا 7 ساڵ و محەمەد 5 ساڵ)ــی کوشتووە.

.

بە پێی ڕاگەیەنراوەکە”سوالین هێشتا زیندوو بووە، کە تاوانبار خوێن ساردانە بە بەرد کوشتوویەتی”.

.

ئەوەش خراوەتەڕوو، “هێزەکانی بەڕێوەبەرایەتی ئاسایشی هەولێر،  یەک رۆژ دوای ئەنجامدانی تاوانەکە، تەرمی قوربانییەکانی دۆزیوەتەوە، هەمان رۆژیش تاوانبار دەستگیرکراوە و بەپێی رێککارە یاساییەکان لێکۆڵینەوەکان ئەنجامدراون و که‌یسەکە ره‌وانه‌ی دادگا کراوه”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل