fbpx
Shadow Shadow

سیاسه‌تی

خەمیس خەنجەر: بەبێ ڕەزامەندى کورد دەنگ بەکابینەکەى عەلاوى نادەین

10:20 پێنج شه‌ممه‌ 27 شوبات 2020
article image

ناس كورد- 

خەمیس خەنجەر کەسایەتى بازرگان و سیاسى ناودارى سوننەى عێراقى ڕایگه‌یاند مەسعود بارزانى زانیارى هەیە لەدانانى وەزیرەکانى عەلاوییدا دەستوەردان کراوە و ئەوانیش وەکو پڕۆژەى عەرەبى لەعێراقدا بەبێ ڕەزامەندى کورد و چارەسەرکردنى کێشە هەڵواسراوەکان دەنگ بەکابینەکەى عەلاوى نادەن.

.

لەچاوپێکەوتنێکى تەلەفزیۆنیدا، خەمیس خەنجەر کەسایەتى  بازرگان و سیاسى سوننەکانى عێراق و سەرۆکى پڕۆژەى عەرەبى ڕایگەیاند، محه‌مەد تۆفیق عەلاوى کەسایەتیەکى بەڕێز و ڕاستگۆیە بەڵام ئەو بنەمایانەى کە لایەنە سیاسیەکان یارى لەو پرسەدا پێدەکەن گرفتى تێدایە و کاتێک پشتیوانى ڕاسپاردنى عەلاوییان کردووە بۆ ئەوەى ببنە بەشێک لە چارەسەرکردنى قەیرانەکان ئەویش لەڕێگه‌ی هەڵبژاردنى پێشوەختە و جێبەجێکردنى داخوازییەکانى خۆپیشاندەران و هەموارکردنى یاسای هەڵبژاردنەکان و دامەرزاندنى حکومەتێکى تەکنۆکرات بەڵام ئەو تەکتیکانەى کە قسە لەسەر برەودان بەعەلاوییەوە دەکەن هەڵەیەکى گەورە و ئایندەیەکى تەمومژاوییە.

.

وتیشی :” ئەو لایەنانەى کە پشتیوانى عەلاوى دەکەن لەنێوان خۆیاندا ناکۆکن و شڵەژاون بەو هۆیەوە لەو باوەڕەدام ئاستەنگ لەبەردەم پێکهێنانى حکومەتى نوێدا هەیە”. 

.

خەنجەر جەختى لەسەر ئەوەش کردەوە، نەبوونى کورد و سوننەکان و بەشێکى گەورەى شیعەکان کە ڕێکنەکەوتوون لەنێوان خۆیاندا کێشە بۆ پێکهێنانى کابینەکە دروستدەکەن و هەرەوەها پڕوپاگەندە و دزەپێکردنى زانیارییەکان بونەتە هۆى زۆربەى کێشە سیاسیەکان”.

.

ئەو کەسایەتیە سوننیە باسى لەوەش کرد، مەسعود بارزانى زانیارى باوەڕپێکراوى لەلایە کە ئەو ناوانەى بۆ پڕکردنەوەى کابینە وەزارییەکانى عەلاوى خراونەتە ڕوو لەلایەن خەڵکانى ترەوە کاندیدکراون و عەلاویش نکۆڵى لەسەر ئەوە ناکات بەوەش ترسێک دروستبووە.

.

خەنجەر جەختى لەسەر ئەوە کردەوە، ئەوان وەکو سوننەکان بەبێ ڕەزامەندى کورد و چارەسەرکردنى کێشە هەڵواسراوەکان دەنگ بەکابینەکەى عەلاوى نادەن و ئەمڕۆش لەکۆبونەوەیەکدا بڕیارى خۆیان بەفەرمى لەسەر ئەو پرسە ڕادەگەیەنن.

.

خەمیس خەنجەر یەکێکە لەکەسایەتیە بازرگان و سیاسیە سوننە کاریگەرەکانى عێراق و مانگى ئۆکتۆبەرى ساڵى ڕابردووش لەلایەن وەزارەتى خەزێنەى ئەمریکا بەتۆمەتى تێوەگلان لەگەندەڵى و چەند پرسێکى ترەوە خرایە لیستى سزاکانى ئەمریکاوە.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل