fbpx
Shadow Shadow

خۆپیشاندەران بۆ عەبدولمەهدى: بۆچى چاو لە پێشیلکارییەکانى ئێران لەسەروەرى عێراق دەپۆشیت؟

13:46 دوو شه‌ممه‌ 30 کانونی یەکەم 2019
article image

ناس کورد-

دوای ئیدانەکردنی هێرشەکەی شەوی ڕابردووی ئەمریکا بۆ سەر بارەگاکانى حەشدی شەعبی و حزبوڵای عێراق لەلایەن عادل عەبدولمەهدییەوە، چالاکوانانی تۆڕە کۆمەڵایەتییەکان ڕەخنەی توندی لێدەگرن و دەڵێن، عەبدولمەهدی ئیدانەی کارەکانی ئەمریکا دەکات، بەڵام لە دەستێوەردانەکانی ئێران بێدەنگە.

.

 

دوای هێرشەکەی شەوی ڕابردووی ئەمریکا بۆ سەر چەند بارەگایەکی حەشدی شەعبی و حزبوڵای عێراق و کوژرانی دەیان کەس، عادل عەبدولمەهدی، سەرۆکى حکومەتى کاربەڕێکەرى عێراق ئیدانەی هێرشەکەی کرد و ڕایگەیاند، ئەو کارەى ئەمریکا پەڕەسەندنێکى مەترسیدارە و هەڵسوکەوتێکى تاکلایەنەیە و کارى لەو جۆرە ئاسایشى ناوچەکە دەخاتە مەترسیەوە.

.

لەدوای ڕاگەیەندراوەکە، بەشێک لە چالاکوانانى عێراق ڕەخنەیان لەو هەڵوێستەى عەبدولمەهدی گرت و پەیامێکیان بڵاوکردەوە و ئاماژەیان بەوە کرد :”ئێوە باسى سەروەرى خاکى عێراق دەکەن، ئەى بۆچى ڕێگە ناگرن لەوەى عێراق بووە بەگۆڕەپانى شەڕ؟ ئایا لایەنى سێیەم لەعێراقدا حوکم ناکات؟”.

.

هاوکات بەشێکی دیکە لە چالاکوانان نوسیویانە :”بوونى هێزەکانى ئەمریکا لەبنکە سەربازییەکانى عێراق بەپێى ڕێککەوتن لەگەڵ حکومەتدا بووە و لایەنە سیاسییەکان و حزبەکانیش ئەو ڕێککەوتنەیان واژۆ کردووە، ئەى هێرشکردنە سەر بارەگاکانى ئەمریکا لەلایەن میلشیا چەکدارەکانەوە مەگەر پێشێلکردنى سەرەوەرییەکانى عێراق نیە؟”.

.

دوێنێ شەو فڕۆکەکانى ئەمریکا هێرشیان کردە سەر چه‌ند بارەگایه‌كى حزبوڵاى عێراق لەشارۆچکەى قائیمى ئەنبار و بووە هۆى کوژرانى 19 چەکدارى ئەو حزبە و حەشدى شەعبى و برینداربوونی 35ی دیکە، کاردانەوەکانیش لەسەر ڕوداوەکە بەردەوامە.

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل