fbpx
Shadow Shadow

 " 40ساڵیش بخایەنێت لێرە بەردەوام دەبین"

خۆپیشاندەرانی گۆرەپانی تەحریر” هەینی خۆڕاگری”یان ڕاگەیاند

13:10 هه‌ینی 15 تشرینی دووه‌م 2019
article image

 

ناس کورد-

بە بەرزکردنەوەی هوتافی “هەینی خۆڕاگری” خۆپیشاندەران لە بەغدا و شارەكانی دیكەی عێراق بەردەوامن لە گردبوونەوە و ناڕەزایەتییەکانیان، دەشڵێن “بەردەوام دەبین لە ناڕەزایەتی دەربڕین ئەگەر 40 ساڵیش بخایەنێت”.

.

لەگەڵ ڕاگەیاندنی”هەینی خۆڕاگری” لەلایەن ئاپۆڕای  خۆپیشاندەرانەوە لە گۆڕەپانی تەحریر، لە شەوی ڕابردووەوە تا  بەیانی ئەمڕۆ (هەینی) 4 خۆپیشاندەر لە بەغدا كوژراوون و لە شاری نەجەفیش خۆپیشاندانەکان بەرەو ئاقاری مانگرتنی گشتی ئاڕاستە دەکرێت.

.

بە گوێرەی هەواڵێكی ئاژانسی (ڕۆیتەرز) لەگەڵ هەڵهاتنی خۆری بەیانی ئەمڕۆ (هەینی، 15ی تشرینی دووەمی 2019)  ژمارەیەکی زۆر لە خۆپیشاندەران ڕوویان کردە  گۆڕەپانی تەحریری شاری بەغدا وشارەکانی دیکەی عێراق.

.

ئاژانسەکە ئاماژەى بەوەشکرد، خۆپیشاندەران بە پۆشاکی خوێناوی و تۆزاوییەوە ریزیان بەرانبەر هێزە ئەمنییەکان بەستووە و دروشمی ڕووخاندنی حكومەت دەڵێنەوە.

.

هاوكات خۆپیشاندەرێكی بەشداربووی خۆپیشاندانەکانی گۆڕەپانی تەحریر بە ڕۆیتەرزی وتووە “هەموومان گەنجین هیچمان نییە، هیچ وەزیفە و کارو مووچەیەكمان نییە، بەرپرسەکانیش هەموو سەرەوت و سامانی ئەم وڵاتەیان دزیوە بۆیە لێرە ناڕۆین تەنانەت ئەگەر 40 ساڵیش بەردەوام بین”.

.
لە ماوەی هەفتەكانی ڕابردوودا بەهۆی خۆپیشاندانەكانەوە لە عێراق زیاتر لە 300 كەس كوژران و بە هەزاران خۆپیشاندەری دیكەش بریندار بوون، سەرەڕای ڕاگەیاندنی هەندێك چاكسازی لەلایەن حكومەتەوە، خۆپیشاندەران بڕیاریانداوە بەردەوام بن تاوەكو بەتەواوی حكومەت دەستووری وڵات دەگۆڕێت و یاسای هەڵبژاردنی نوێ‌ پەسەند دەكرێت و كۆمسیۆنی نوێ‌ هەڵدەبژێردرێت.

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل