fbpx
Shadow Shadow

هەواڵی ڕاستەوخۆ

خۆپیشاندانی “ملیۆنی” دژی هێزەکانی ئەمریکا لە جادریەی بەغدا دەستیپێکرد (وێنە)

10:12 هه‌ینی 24 كانونی دووه‌م 2020
article image

ناس کورد-

هەزاران هاوڵاتی عێراقی لە ناوچە جادریە لە ناوەڕاستی شاری بەغدا گردبوونەتەوە و ئامادەكاری بۆ دەستپێكردنی خۆپیشاندانی ملیۆنی دەكرێت كە موقتەدا سەدر، ڕێبەری ڕەوتی سەدر داوای كردبوو بۆ “دەرکردنی هێزەکانی ئەمریکا”.

.

بەپێی زانیاریەكانی پەیامنێری “ناس كورد” لە شاری بەغدا، لە كاتژمێرەكانی سەرەتای ئەمڕۆ هەینی، 24ی کانونی دووەمی 2020، هەزاران خۆپیشاندەر هاتونەتە ناوچەی جادریە بۆ بەشداریكردن لە خۆپیشاندانە ملیۆنیەكە كە تێیدا بونی هێزە بیانیەكان لە عێراق ڕەتدەكرێتەوە، هەروەها هێزە ئەمنیەكانیش چەند شەقامێكی سەرەكیان داخستوە و ڕێگە بە هاتوچۆی ئۆتۆمبێل نادەن کە ئەوەش ئاسانكاریە بۆ ئەوەی خۆپیشاندەران بەئاسانی بگەنە مەیدانەكە.

.

بەپێی زانیاریەكانی “ناس كورد”، چەندین ئۆتۆمبێل لە پارێزگاكانی باشورەوە گەیشتونەتە بەغدا كە خۆپیاشندەرانیان هەڵگرتوە، هەروەها بەشێكی زۆری خۆپیشاندەرانیش لەشاری سەدرەوە هاتوون و بڵاوبوونەوەیەكی چڕی هێزە ئەمنیەكانیش لە دەوروبەری ناوچەی جادریە دەبینرێت.

.

ماوەی چەند ڕۆژێكە موقتەدا سەدر و سەركردەی گروپە چەكداریەكانی عێراق سەرقاڵی ئامادەكارین بۆ خۆپیاشندانی ملیۆنی و ڕەتكردنەوەی بونی هێزە بیانییەكان، هەروەها بڕیار درا خۆپیشاندانەكە لە مەیدانی تەحریر نەكرێت و ببرێتە مەیدانی جادریە چونكە تەحریر خۆپیشاندەرانی داواكاری چاكسازی تێدایە و ئەوەش لەپێناو ئەوەی كێشە ڕوو نەدات.

.

هەر سەبارەت بە خۆپیشاندانەكە، سەڵاح عوبەیدی، وتەبێژی ڕەوتی سەدری بە كەناڵی فەرمی عێراقی وتووە کە “ئامانجی “خۆپیشاندانی سەروەری” كۆتایی هێنان بە خۆپیشاندانی چاكسازی نییە و ئەمە سەلماندنی توانای ئامادەبوونی گەلە لە بەردەم ئیدارەی ئەمریكادا”، لای خۆشیەوە ئیبراهیم جابری، بەڕێوەبەری نوسینگەی سەدر لە بەغدا بۆ “ناس کورد” ئاماژەی بەوەدا کە “ئەمە وەستانە بەڕوی داگیركاری بیانیدا و تەئكیدكردنەوەیە لەسەر سەروەری خاكی عیراق.”

 

خۆپیشاندانی "ملیۆنی" دژی هێزەکانی ئەمریکا لە جادریەی بەغدا دەستیپێکرد (وێنە) خۆپیشاندانی "ملیۆنی" دژی هێزەکانی ئەمریکا لە جادریەی بەغدا دەستیپێکرد (وێنە) خۆپیشاندانی "ملیۆنی" دژی هێزەکانی ئەمریکا لە جادریەی بەغدا دەستیپێکرد (وێنە) خۆپیشاندانی "ملیۆنی" دژی هێزەکانی ئەمریکا لە جادریەی بەغدا دەستیپێکرد (وێنە)

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل