Shadow Shadow

خاچی سور: تەنها لە 18 مانگدا لە عیراق و هەرێم هەزار و 500 کەسى بێسەروشوێن دۆزراونەتەوە

11:51 پێنج شه‌ممه‌ 05 ئه‌یلول 2019
article image

ناس کورد- هۆرڤان ڕەفعەت

ڕێکخراوی خاچی سوری نێودەوڵەتی دەڵێت، لەماوەی تەنها ساڵ و نیوێکدا لە عێراق و هەرێمی کوردستان هەزار و 500 کەسى بێسەروشوێن دۆزراونەتەوە و ژمارەیەکى تر خانەوادەکانیان هێشتا بەدواى زانینى چارەنوسیانەوەن.

,

لە کۆنگرەیەکى ڕۆژنامەوانیدا، ئانیۆکا بیرنۆس، بەڕێوەبەرى نێردەى ڕێکخراوى خاچى سورى نێودەوڵەتى ئاشکراى کرد: “بەگوێرەى ئامارە تۆمارکراوەکان، لە ساڵى 2018 و نیوەى یەکەمى ئەمساڵدا لە عێراق هەزار و 500 کەسى بێسەروشوێن دۆزراونەتەوە”.

,

ئەو نێردراوەى خاچى سور ئەوەشى وت: “ڕێکخراوەکەمان هەستاوە بە دروستکردنى پەیوەندى لەگەڵ لایەنە حکومییەکان و ڕێکخراوەکان، هەروەها لەگەڵ خانەوادەى بێسەروشوێنەکان قسەمان کردووە بۆ ئەوەى زۆرترین زانیارى لەسەر ئەو کەسانە کۆبکەینەوە بۆ زانینى چارەنوسیان”.

,

بەشێکى بێسەروشوێن بوونى ئەو کەسانە دەگەڕێنردێتەوە بۆ کاتى شەڕى داعش، بەشێکى دیکەشیان هۆکارى بێسەروشوێن بوونى کەسەکانیان نازانن.

,

لەلایەکى دیکەوە ئەڤین یاسین، وتەبێژی ڕێکخراوی خاچی سوری نێودەوڵەتی لە هەرێمی کوردستان بە ناس کوردی وت: “لەماوەی ڕۆژانی 21 بۆ 30ی ئابی 2019، ئێمە وەکو ڕێکخراوی خاچی سوری نێودەوڵەتی بە مەبەستی هۆشیارکردنەوەی کۆمەڵگا و خێزانەکان لە ونبوون و بێسەروشوێن بوونی خەڵکی، کەمپینێکمان ڕێکخست لە شارەکانی هەرێمی کوردستان و عیراق، ژمارەیەک چالاکیمان ئەنجامدا و ئاماری بێسەروشوێنانمان بڵاوکردەوە”.

,

وتەبێژى ئەو رێکخراوە لە هەرێمى کوردستان، ئەوەشى خستەڕو: “خانەوادەى ئەو کەسانەى بێسەروشوێن بوون لە هەرێم و عێراق، پەیوەندیمان پێوە دەکەن و ئێمەش زانیارییەکانیان وەردەگرین و دەست بە لێکۆڵینەوە دەکەین بۆ زانینى چارەنوسى ئەو کەسانە”.

,

هەرچەندە بە گوێرەى ئامارەکانى خاچى سور عێراق خاوەنى زۆرترین کەسی بێسەروشوێنە، بەڵام ئەڤین یاسین ئاشکرایکرد، لەمساڵدا ژمارەی بێسەروشوێن بووەکان لە عیراق و هەرێم کەمی کردووە، ئەوەش پەیوەندی بە نەمانی شەڕی داعش و ناکۆکییە چەکدارییەکان هەبوە.

,

وتەبێژی خاچی سور لە هەرێمی کوردستان لەڕێگای ناس کوردوە داوای لە هاوڵاتیانی هەریمی کوردستان و عیراق کرد، لە هەر حاڵەتێکی ون بوون و بێسەروشوێن بوونی کەسێکیاندا لەڕێگای نوسینگە و ژمارە پەیوەندییەکانیانەوە ئاگاداریان بکەنەوە، بۆ ئەوەی بەزوترین کات چارەنوسیان دیارى بکەن.

,

پێشتر له ‌ڕۆژى جیهانى بێسه‌روشوێناندا ڕێكخراوى خاچى سورى نێوده‌وڵه‌تى ڕایگه‌یاند، عێراق دووچارى قه‌یرانی گه‌وره‌ى بێسه‌روشوێنان بووەتەوە‌، سۆران عومەر، پەرلەمانتارى کوردستان ئەوەى خستەڕو، 500 كه‌سى بێسه‌روشوێن لە هەرێم هەن و هێشتا كه‌یسه‌كانیان به ‌ته‌مومژاوى ماوه‌ته‌وه.

 

خاچی سور: تەنها لە 18 مانگدا لە عیراق و هەرێم هەزار و 500 کەسى بێسەروشوێن دۆزراونەتەوە

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل