fbpx
Shadow Shadow

حیزبەکانى ڕۆژهەڵات: بۆ لەمەودوا لەناو خاکی هەرێمەوە چالاکی دژ بە ئێران ئەنجام نادەین 

17:49 یه‌ك شه‌ممه‌ 18 ئاب 2019
article image

ناس کورد- هەڤاڵ فەتاح

لەگەڵ فشارە نێودەوڵەتییەكان لەسەر كۆماری ئیسلامیی ئێران و توندكردنەوەی سزا ئابوری و سیاسییەكانی سەر ئەو وڵاتە، پارتە كوردییە ئۆپۆزسیۆنەكانی ئێران كە لە خاكی هەرێمدا نیشتەجێن، چالاكییە سەربازییەكانیان لەناو خاكی ئێراندا چڕ كردووەتەوە، لە بەڕامبەریشدا ئێران سنورەکانی نێوان هەرێم و ڕۆژهەڵاتی کوردستانی بەهێزی سەربازی تەنیەوە.

,

کاوە بەهرامی، بەرپرسی  فەرماندەیی هێزی پێشمەرگەی کوردستانى سەربە حیزبی دیموکراتی کوردستانی ئێران، تایبەت بە ناس کوردی ڕاگەیاند: “ئێران،  ڕۆژهەڵاتی كوردستانی كردووە بە سەربازگە و سنوورەكانی بە تەواوی كۆنتڕۆڵ كردووە كە دەرفەتی هیچ هاتوچۆیەکى بۆ هاوڵاتییانی هەردولاش نەهێشتووەتەوە”.

,

بەهرامى وتیشی، هێنانی هێز بۆ سەر سنورەکانی  نێوان ڕۆژهەڵات و باشورى کوردستان شتێکی نوێى نییە، بەڵام لە ماوەی دوو مانگی ڕابردوودا، ئێران زیاتر هێزی ئاڕاستەی سەر سنورەکانى هەرێم کردووە، بە تایبەتی لە ناوچەکانی ورمێ و پیرانشەهر، کە ئەو ناوچانە دەکەونە نزیک سنوری پێنجوێن و ناوچەى سنورین.

,

ئایا حیزبەکانى ڕۆژهەڵات چالاکیان دژ بە سوپاى ئێران دەبێت؟

لەبارەى بەکارهێنانى خاکى هەرێم بۆ ئەنجامدانى چالاکى دژ بە سوپاى ئێران، لەلایەن هێزە چەکدارەکانى ڕۆژهەڵاتى کوردستانەوە، کاوە بەهرامی دەڵێت: “هیچ کات چالاکیمان دژ بە کۆماری ئیسلامی لەناو خاکی هەرێمەوە نابێت، کۆدەنگیش لەناو هەموو حیزبەکانی ڕۆژهەڵاتدا هەیە کە دەبێت پارێزگاری و ڕێز لە سەروەریی خاکی هەرێمی کوردستان بگیرێت، بەڵام ئەگەر هێرش بکرێتە سەرمان وەڵاممان دەبێت”.

,

لەلایەکى دیکەوە، ڕەزا کەعبی، جێگری سکرتێری گشتی کومه‌ڵه‌ی زه‌حمه‌تکێشانی کوردستان، تایبەت بە ناس کوردی ڕاگەیاند: “ئێمە وەک حیزبەکانى ڕۆژهەڵاتی کوردستان ناوەندی هاوکاریمان هەیە، لەڕێگەی ئەو ناوەندەوە ئاڵۆگوری دید و بۆچوونەکانمان دەکەین، هەمیشە جەختمان لەوە کردووەتەوە، بە هیچ شێوەیەک نابینە سەر ئیشە بۆ هەرێمی کوردستان”.
,

کەعبى ئەوەشی خستەڕوو، خەباتی ئەوان لە قوڵایی خاکی ئێراندایە و هیچ پەیوەندییەکی بە بەکارهێنانی خاکی هەرێمی کوردستانەوە نییە، بۆیە پێی وایە کە ئێران بۆ دروستکردنی فشار لەسەر هەرێم و شاردنەوەی قەیرانەکانی ناوخۆی سنورەکانی هەرێم دەکاتە بیانوو.

,

ئەمە لە کاتێکدایە کە ناس کورد، پێشتر زانیاری لەسەر گفتوگۆ و دانوستانی ڕاستەوخۆى لەنێوان حیزبە ئۆپۆزسیۆنەکانى ڕۆژهەڵات و حکومەتى ئێران ئاشکرا کرد.

,

ناوەندی هاوکاری حیزبەکانی کوردستانی ئێران لە هەریەک لە کۆمەڵەی زەحمەتکێشانی کوردستان و کۆمەڵەی حیزبی دیموکرات و حیزبی دیموکراتی کوردستانی ئێران و کۆمەڵەی شۆڕشگێڕی زەحمەتکێشانی کوردستانی ئێران پێکدێت.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل