Shadow Shadow

"زۆرمان ماوە بۆ هەڵەبجەی بکەین"

حکومەتی هەرێم: پێویستە عیراق قەرەبووی ماددی و مەعنەویی خەڵک و ژینگەی هەڵەبجە بکاتەوە

09:50 شه‌ممه‌ 16 ئادار 2019
article image

 

ناس کورد-

لە یادی کیمیابارانی هەڵەبجەدا حکومەتی هەرێمی کوردستان ڕایدەگەیەنێت، چاوەڕوانین عیراق هەڵسێت بە ئەرکی یاسایی و ئەخلاقی خۆی دەرهەق بە پارێزگای هەڵەبجە و بایەخی پیبدات و قەرەبووی ماددی و مەعنەویی خەڵک و ژینگەکەی بکاتەوە.

ئەمڕۆ یادی 31 ساڵەی کیمیابارانی هەڵەبجە دەکرێتەوە، ئەنجومەنی وەزیرانی هەرێمی کوردستان لە ڕاگەیەنراوێکیدا تایبەت بەو یادە ڕایگەیاند: “کیمیابارانیکردنی هەڵەبجە، لەسەر دەستی ڕژیمی پێشووی عێراق وێڕای شه‌هید بوونى پێنج هەزار هاوڵاتیی بێتاوان، هەزارانی دیکەش بریندار بوون و تا ئێستاش زۆربەیان بەدەست لێکەوته‌ و کاریگەرییە خراپە تەندروستی و دەروونییەکانی ئەو کارەساتەوە دەناڵێنن”.

لەو ڕاگەیانراوەدا حکومەتی هەرێم جەختدەکاتەوە لەسەر “بایەخدانی جددی بە ژیان و خزمەتکردنی برینداران و خانەوادە و کەسوکاری قوربانیانی چەکی کیمیایی و خزمەتکردنی زیاترى هەڵەبجەی ئازیز کە بێگومان کاری زۆر ماوە بۆیان بکرێت”.

“چاوەڕوانیمان لە حکومەتی عێراقیش بەجێگەیاندنی ئەرکی یاسایی و ئەخلاقیی خۆیەتی دەرهەق بەم پارێزگایە و دانیشتوانەکانی لە هەموو جۆرە بایەخپێدانێک له‌گه‌ڵ قەرەبووکردنەوەی ماددی و مەعنەویی خەڵکەک و ژینگەکەی، وەک قوربانیی دەستی دەوڵەتی عێراق” لە نێو ڕاگەیەنراوەکەی ئەنجومەنی وەزیراندا هاتوە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل