Shadow Shadow

حکومەتی هەرێم: پێویستە تورکیا و پەکەکە نەبنە هۆی زیانگەیاندن بە هاوڵاتییانی هەرێم

20:29 دوو شه‌ممه‌ 19 ئاب 2019
article image

ناس کورد-

حکومەتی هەرێم لەبارەی ناکۆکییەکانی تورکیا و پەکەکە ڕاگەیەندراوێکی بڵاوکردەوە و داوا دەکات، حکومەتی تورکیا و چەکدارانی پەکەکە نەبنە هۆی زیانگەیاندن بە هاوڵاتییانی هەرێمی کوردستان.

,

ئەمڕۆ دووشەممە 19ی ئابی 2019، لە ڕاگەیەندراوێکدا حکومەتی هەرێمی کوردستان ڕایگەیاند: “بەداخەوە ئەمڕۆ لە ئەنجامی بۆردوومانی فڕۆکەکانی تورکیا لە بناری قەندیل چەند هاوڵاتییەک برینداربوون و زیانی مادیشی لێکەوتەوە، حکومەتی هەرێمی کوردستان هاوخەمی لەگەڵ زیانلێکەوتووانی ئەو ناوچەیە دەردەبڕێت و نیگەرانە لەو بۆردوومانە”.

,

حکومەتی هەرێمی کوردستان ئاماژەی بەوەشكردووە، پێویستە سەلامەتی هاوڵاتییانی هەرێمی کوردستان بپارێزرێت و نابێت هاووڵاتیانی هەرێم ببنە ئامانجی بۆردوومان.

,

هاوکات لە ڕاگەیەندراوەکەیدا حکومەتی هەرێم داوایەکی ئاڕاستەی چەکدارانی پەکەکە کردووە و ئەوەی خستووەتەڕوو: “داوا لە چەکدارانی پەکەکە دەکەین رەچاوی دۆخی ھاوڵاتییانمان و تایبەتمەندیی ھەرێمی کوردستان بکەن، چیتر نەبنە هۆکاری زیانگەیاندن بە ھاوڵاتییانی هەرێمی کوردستان”.

,

ئەمە لەکاتێکدایە، ئەمڕۆ دووشەممە فڕۆکە جەنگییەکانی تورکیا بناری چیای قەندیلیان بۆردوومان کرد، بە بیانوى بۆردوومانکردنى حەشارگەی چەکدارانی پەکەکەیە لە هەرێمی کوردستان، کە بەهۆیەوە چەند هاوڵاتییەک برینداربوون.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل