fbpx
Shadow Shadow

سیاسه‌تی

حکومەتی هەرێم لەبارەی بڵاوبوونەوەی ڤایرۆسی کۆرۆنا لە هەرێم ڕونکردنەوەیەکی بڵاوکردەوە

16:44 شه‌ممه‌ 22 شوبات 2020
article image

ناس کورد-

حکومەتی هەرێمی کوردستان ڕەتیکردەوە هیچ حاڵەتێکی ڤایرۆسی کۆرۆنا لە هەرێمی کوردستان تۆمارکرابێت و ڕایگەیاند، ئەوەی تا ئێستا هەیە تەنها بۆ خۆپارێزییە و هیچ حاڵەتێکی گوماناوی بە ڤایرۆسەکە تۆمارنەکراوە.

،

لە کۆنگرەیەکی ڕۆژنامەوانیدا رێبەر ئەحمەد، وەزیری ناوخۆی هەرێم ڕایگەیاند: ” ئەوەی پێویستە و لە تواناماندایە بۆ رێگریکردن لە گەیشتنی ڤایرۆسی کۆرۆنا بە هەرێمی کوردستان جێبەجێی دەکەین، ئەوەی دیکەش داوای هاوکاریمان لە حکومەتی فیدراڵ و لە ئۆرگانەکانی UN کردووە”.

،

هاوکات هەر لە کۆنگرە ڕۆژنامەوانییەکەدا، دەربارەی بوونی حاڵەتی ڤایرۆسەکە لە هەرێم، سامان بەرزنجی، وەزیری تەندروستی ئاماژەی بەوەکرد: “هیچ کەسێک بە گومانی کۆرۆنا نەخراوەتە نەخۆشخانە و چۆڵکردنی بەشێک لە نەخۆشخانەکانیش تەنیا ئامادەکارییە بۆ دۆخێکی نەخوازراو، چونکە ئێران چەندین دەروازەی لەگەڵ ئێمە هەیە”.

،

 

هەروەها لەبارەی گەڕانەوەی هاووڵاتانی ئێران کە پێشتر چوونەتە ئێران، وەزیری ناوخۆی هەرێم ئاماژەی بەوەکرد: “خەڵکێکی زۆر لە هەرێمی کوردستان بۆ زۆر مەبەست سەردانی ئێرانیان کردووە، ئەوانە هاووڵاتی ئێمەن، سنوورەکان کراوەن بە رووی هاووڵاتیان. ئەو سنوورانەی بڕیاری لێدرا هاووڵاتیان بگەڕێنەوە کوردستان تەنها سێ سنوورن، ئەوانیش حاجی ئۆمەران، باشماخ و پەروێزخانن” هاونیشتمانییان تەنها لەو سێ رێگەیەوە دەتوانن بگەڕێنەوە”.

،

ڕێبەر ئەحمەد ڕونیشیکردەوە، هیچ شتێک لە هاووڵاتیان ناشارنەوە و هەر شتێک ئەگەر لە دەزگا فەرمییەکانی حکومەتەوە نەبێت، دوورە لە راستی.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل