fbpx
Shadow Shadow

حکومەتى هەرێم بڕیاری دامەزراندنى مامۆستایانى گرێبەستى دەرکرد

15:02 چوار شه‌ممه‌ 06 تشرینی دووه‌م 2019
article image

ناس کورد-

 

ئەنجومەنی وەزیرانی هەرێمی کوردستان بڕیاریدا مامۆستایانى گرێبەست بەشێوەى هەمیشەیی دابمەزرێنرێن.

.

ئەنجومەنی وەزیران ئەمڕۆ چوارشەممە 6/11/2019 لە ڕاگەیەنراوێکدا ڕایگەیاند، لەکۆبوونەوەى ئەنجومەنی وەزیراندا، گفتوگۆ کراوە دەربارەی بابەتی بە هەمیشەییکردنی مامۆستایانی گرێبەست لە سەر میلاکی وەزارەتی پەروەردە و بڕیارەکە پەسەند کراوە، بە رەچاوکردنی ئەوەی کە ئەم مامۆستا گرێبەستانە ماوەی چەندین ساڵە لە بواری پەروەردەوە خزمەت دەکەن و پێداویستی بواری پەروەردەیان پڕ کردووەتەوە.

.

ئاماژە بەوەشکراوە، بڕگەی دووەمی کۆبوونەوەکە گفتوگۆکردن بوو دەربارەی ئەو بابەتانەی پەیوەندیدارن بە مووچە و ئیمتیازاتی کەسوکاری شەهیدان و ئەنفالکراوان و زیندانی و راگیراوی سیاسی لە هەرێمی کوردستان. ئەنجومەنی وەزیران جەختی کردەوە لەسەر بەردەوامبوونی حکومەتی هەرێم لە سەر خزمەتکردنی کەسوکاری شەهیدان و ئەنفالکراوان و زیندانییانی سیاسی و لەگەڵ حکومەتی فیدراڵیش لە گفتوگۆدا دەبێت لە سەر ئەم بابەتە.

.

لەکۆبوونەوەکەدا سەرۆکى ئەنجومەنى وەزیران تیشکی خستە سەر کۆبوونەوەی سەرۆکایەتییەکانی هەرێمی کوردستان و سەرۆک کۆماری عێراق و لایەنە کوردستانییەکان کە تێیدا جەخت لەسەر یەکدەنگی و هاوهەڵوێستی لایەنە کوردستانییەکان کرایەوە لە بەغدا، بەشدارانی کۆبوونەوەکە هاوڕابوون لە سەر ئەوەی، نابێت مافە دەستوورییەکانی هەرێم لە عێراق کەم بکرێنەوە.

 

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل