fbpx
Shadow Shadow

سیاسه‌تی

حزبە نوێیەكەی داود ئۆغڵۆ لە بەشداریکردن لە هەڵبژاردن بێبەشکرا

12:32 شه‌ممه‌ 18 كانونی دووه‌م 2020
article image

ناس کورد-

ڕۆژنامەى سەباحى تورکى بڵاویکردەوە، ئەنجومەنى باڵاى هەڵبژاردنەکانى تورکیا لیستى ئەو حزبانەى ئامادە کردووە کە بەشدارى هەڵبژاردنى داهاتوو دەکەن، هەروەها 15 حزبى سیاسى بێ بەشکران لەو هەڵبژاردنە لەناویدا حزبەکەى نوێیەکەى ئۆغڵۆى تێدایە.

.

دامەزراوەکە لە ڕاگەیەنراوێکدا ڕایگەیاند، ئەو حزبانەى کە دورخراونەتەوە لەهەڵبژاردنى ئایندە بەهۆى ئەوەوە بووە کە مەرجى پێویستیان بۆ بەشداریکردن لەهەڵبژاردنى داهاتوو تێدا نەبووە.

.

ئەنجومەنى باڵاى هەڵبژاردنەکەى تورکیا ڕونیشیکردووەتەوە، ئەو حزبانەى کە کۆنگرە گشتیەکانیان شەش مانگ لە پێش کانوونى دووەمى 2020 ڕێکخستبێت و بنکە و بارەگاى لەنیوەى ناوچەکانى تورکیا لە 81 ناوچەدا هەبێت خراونەتە لیستى هەڵبژاردنەکانەوە.

.

بەپێی مەرجی ئەو ئەنجومەنە، حزبە نوێیەكەی داود ئۆغڵۆ كە لەمانگی دیسەمبەری ڕابردوو كۆنگرەی خۆی بەست هەڵبژاردنە نایگرێتەوە و لەو مافە دور دەخرێتەوە، ئامانجی ئەو بڕیارەش كە ئەو ئەنجومەنە سەپاندوویەتی بۆ لێدان لە جموجۆڵەكانی ئۆغڵۆ لێكدەدرێتەوە.

.

حزبەكە نوێیەكەی ئەحمەد دادو ئۆغڵۆ سەرۆك وەزیرانی پێشوتری توركیا و یەكێك لەهاوڕێ نزیكەكانی ئەردۆغان لەكاتی دامەزراندنی ئاكپارتیەوە، چەند مانگێك پێش ئێستا ڕایگەیاند و لیستێكی 154 كەسییشی وەكو دامەزرێنەری ئەو حزبە پێشكەش كرد كە ژمارەیەكی زۆریان پێشتر لەپارتەكەی ئەردۆغان بەرپرسارێتیان هەبووە و بەهۆی ناكۆكیەكانیان لەگەڵ سەرۆكی ئاكپارتیدا ڕیزەكانی ئەو حزبەیان بەجێهێشتووە.

.

دوای دامەزراندنی حزبەكە نوێیەكەشی داود ئۆغڵۆ هەڕەشەی ئەوەی دەكرد كە لەهەڵبژاردنی داهاتوودا تۆڵەی گەورە لە ئەردۆغان و ئاكپارتی دەكەنەوە.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل