Shadow Shadow

"هەر دەستێوەردانێکى تورکیا لە ناوچەکە رەتدەکەینەوە"

جەنەراڵێکى ئەمریکى: لە پشتیوانیکردنى هەسەدە بەردەوام دەبین

16:44 شه‌ممه‌ 24 ئاب 2019
article image

ناس کورد-

نیکۆلاس بونت، جەنەڕاڵى ئەمریکى و جێگرى فەرماندەى هاوبەشى ئۆپراسیۆنى ئیرادەى پۆڵاین، سوپاسى هێزەکانى سوریاى دیموکرات (هەسەدە)ى کرد بۆ ئەو قوربانیانەى لە شەڕى دژى داعش پێشکەشیان کردووە و ئاماژەى بەوەش کرد ئەمریکییەکان بەردەوام دەبن لە پشتیوانیکردنى هەسەدە و جەختى لەسەر ئەوە کردەوە کە ئەمریکا هەر جۆرە دەستێوەردانێکى تورکیا لە ناوچەکە رەتدەکاتەوە.

.

لە میانەى کۆبوونەوەى گشتیى ساڵانەى فەرماندەکانى هێزەکانى سوریاى دیموکراتدا، کە ئەمڕۆ (شەممە، 24ى ئابى 2019) لە شارى حەسەکە لە هەرێمى جەزیرە  ئەنجامدرا، نیکۆلاس بونت، جەنەڕاڵى ئەمریکى و جێگرى فەرماندەى هاوبەشى ئۆپراسیۆنى ئیرادەى پۆڵاین ستایشى رۆڵى هێزەکانى سوریاى دیموکرات (هەسەدە)ى کرد لە رووبەڕووبوونەوەى رێکخراوى داعش و شکستپێهێنان بەو رێکخراوە تیرۆریستییە و سڵاوى بۆ شەهیدەکانى هەسەدە نارد و جەختى لەسەر ئەوە کردەوە کە ئەمریکا پشت لە هەسەدە، ناکات.

.

ئەو جەنەڕاڵە ئەمریکییە روونیکردەوە کە ئەمریکا بەردەوام دەبێت لەسەر راهێنان بە هێزەکانى سوریاى دیموکرات.

.

جەختیشى لەسەر ئەوە کردەوە “هێزەکانى هاوپەیمانان لەگەڵ تورکیا لەبارەى ئاسایشى سنورى سوریا رێککەوتووە و لەمڕۆوە هیچ مەترسییەکى تورکى لەسەر هێزەکانى سوریاى دیموکرات (هەسەدە) نامێنێت”.

.

بونت روونیکردەوە، هیچ دەستێوەردانێکى تورکیا لە باکور و رۆژهەڵاتى سوریا روونادات و ئەمریکا هەر جۆرە دەستێوەردانێکى تورکیا لەناوچەکە، رەتدەکاتەوە.

 

.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل