fbpx
Shadow Shadow

جوان ئیحسان: پارتی و یەكێتی لەبارەی پۆستی وەزیری داد نەگەیشتوونەتە رێككەوتن

20:15 پێنج شه‌ممه‌ 11 نیسان 2019
article image

ناس كورد-ئەحمەد مستەفا

هەفتەی داهاتو، ئەنجوومەنی نوێنەرانی عێراق دانیشتنێك ئەنجام دەدات و بەوتەی سەرۆكی فراكسیۆنی یەكێتی لە پەرلەمانی عێراق هەوڵی تەواوكردنی كابینەكەی عادل عەبدولمەهدی دەدرێت و كاندید بۆ ئەو چوار وەزارەتەی كە ماوون دیاری دەكرێت.

جوان ئیحسان، سەرۆكی فراكسیۆنی یەكێتی لە پەرلەمانی عێراق بە ناس كورد-ی ڕاگەیاند،” دواكەوتنی پێكهێنانی حكومەتی عێراق تەنها خەتای كورد نییە، بەڵكو كورد و سوننە و شیعە پێكەوە هۆكارن بۆ دواكەوتن و دانانی كاندیدی وەزارەتەكانی پەوەردە و داد و بەرگری و ناوخۆ كە ئێستا بە وەكالەت بەڕێوە دەبرێن”.

ئاماژەی بەوەش كرد، پێدەچێت لە هەفتەی ئایندە و بەدیاریكراوی لە ڕۆژی یەكشەممە پەرلەمانی عێراق دانیشتنێك بۆ تەواوكاری كابینەی حكومەت ئەنجام بدات.

بەوتەی جوان ئیحسان، وەك فراكسێونە كوردییەكان چاوەڕوان دەكەن لەسەر پۆستی وەزارەتی داد، پارتی و یەكێتی بەپێی قەبارە و ئەزمونیان بگەنە ڕێككەوتن و ئەو پشكەی یەكێتی لە حكومەتی عێراق بە كاندیدێكی یەكێتی پڕ بكرێتەوە.

ناس كورد، لەسەر هەمان پرس و یەكلایكردنەوەی كاندیدی وەزارەتی داد پەیوەندی بە چەند ئەندامێكی فراكسێونی پارتی لە پەرلەمانی عێراق كرد، بەڵام وەڵامی پەیوەندییەكانیان نەدایەوە.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل