fbpx
Shadow Shadow

هەواڵی ڕاستەوخۆ

"بەهێزترین کاندید" بۆ جێگرەوەى عەبدولمەهدى کێیە؟

جوان ئیحسان بۆ ناس کورد: هەڵوێستى کورد لەکاتى دانوستانەکان دەردەکەوێت

21:05 یه‌ك شه‌ممه‌ 15 ئادار 2020
article image

ناس کورد-

 

سەرۆکى فراکسیۆنى یەکێتى لە پەرلەمانى عێراق ڕایگەیاند، لایەنە شیعییەکان سەرقاڵى یەکلاکردنەوەى کاندیدى پۆستى سەرۆکوەزیرانن، پێش ئەوەى وادەى دەستورى لەو بارەیەوە کۆتایی بێت و هەڵوێستى کوردیش لەو بارەیەوە دەکەوێتە دواى ڕاسپاردنى کاندیدەکە.

.

چاوەڕواندەکرێت ئەمشەو لایەنە شیعییەکان کاندیدى سەرۆکوەزیران ڕادەستى سەرۆککۆمار بکەن، تا ئەویش بۆ پێکهێنانى کابینەى نوێ ڕایبسپێرێت.

.

جوان ئیحسان سەرۆکى فراکسیۆنى یەکێتى لە پەرلەمانى عێراق بە ناس کوردى ڕاگەیاند “بیستومانە کە لایەنە شیعییەکان تەقریبەن لەسەر کەسێک رێککەوتون و کۆدەنگن لەسەرى، ئەویش نەعیم السهێلە کە بەهێزترین کاندیدە”.

.

وتیشى “پۆستى سەرۆکوەزیران مافى لایەنە شیعییەکانە و ئەوان یەکلایی دەکەنەوە، هەرچەندە نەعیم السهیل لەسەر هیچ کوتلەیەکى پەرلەمانى حساب ناکرێت”.

.

لەبارەى هەڵویستى کوردەوە، جوان ئیحسان وتى “لایەنەکان بەگشتى بۆ پۆستى سەرۆکوەزیران و هەر پۆستێکى دیکەى حکومەت، کەسێک کاندید ناکەن کە لەلایەن لایەنەکان و شەقامەوە رەتبکرێتەوە، بەڵام دواى ڕاسپاردنى و لەکاتى دانوستانەکاندا هەڵوێستەکان روندەبێتەوە”.

.

لایەنە کوردییەکان پێشتر چوونە پاڵ بەرەى ئەو لایەنانەى کە دژى محەمەد عەلاوى ڕاسپێردراو بۆ پێکهێنانى حکومەت وەستابوونەوە، بەو هۆیەشەوە عەلاوى شکستیهێنا، دیاریش نییە ئەمجارە هەڵویستى کورد چى دەبێت.

.

سەرۆکى فراکسیۆنى یەکێتى وتى “ستراتیژى ئێمە عێراقێکى بەهێز و هەرێمێکى بەهێزە، هەر کەسێک ئەوە لەبەرچاو بگرێت و مافەکانى هەرێم دابینبکات ئێمە لەگەڵیدا دەبین”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل