fbpx
Shadow Shadow

"دەیانەوێت تاوانی ئەنفال بچوک بکەنەوە"

تەیموری ئەنفال: هەوڵدەدرێت بەڵگەی ئەو گۆڕە بەکۆمەڵانەی دیکە کە ماون بشاردرێنەوە

15:02 پێنج شه‌ممه‌ 29 ئاب 2019
article image

ناس کورد-

تەیموری تاقانەی ئەنفال هۆشداری دەدات لەوەی کە حکومەتی عێراق و هەرێم بەنیازن لەمەودوا بە نهێنی گۆڕە بەکۆمەڵەکانی دیکەی کە ماون هەڵبدەنەوە، بەمەبەستی شاردنەوەی بەڵگەکان، جەختیشدەکاتەوە، هەرگیز لەو کارە بێدەنگ نابێت و هەڵوێستی جددی دەبێت.

,

لە ڕوونکردنەوەیەکدا کە لە هەژماری خۆی لە تۆڕی کۆمەڵایەتی فەیسبوک بڵاویکردووەتەوە تەیمور عەبدوڵڵا، تاقانە گەرمیانییەکەی ئەنفال ڕایگەیاندووە: “بەپێی ئەو هەواڵانەی کە لەسەرچاوە و ئەندام پەرلەمانێکی عێراق دەستم کەوتووە، بڕیار وایە دەزگای شەهیدانی عێراقی و وەزارەتی شەهیدان و ئەنفالکراوانی هەرێمی کوردستان بەدەر لە یاسا و بێ گوێدانە پێگە و هەستی کەسوکاری شەهیدان و ئەنفالکراوان بۆ ئەو چەند گوڕە بە کۆمەڵەی لەسەماوە ماوە لەگەڵ هەر گۆڕێکی بە کۆمەڵی دیکە کە لە داهاتودا دەدۆزرێنەوە، بەنهێنی دور لەچاوی میدیاکان و ڕای گشتی کاری تێدا دەکەن و هەڵیدەدەنەوە”.

,

ئەو تاقانەیەی ئەنفال ئاماژەی بەوەشکردووە، مەبەست لەو کارە ئەوەیە کە بەڵگەی تاوانەکان دەشاردرێنەوە، کە ئەوەش نکۆڵی کردنە لە تاوانی ئەنفال و پێچەوانەی یاسا و ڕێنماییە کارپێکراوەکانی تایبەت بە گۆڕە بە کۆمەڵەکانە و پێچەوانەی سەرجەم بنەماکانی مافی مرۆڤ و پەیماننامە نێودەوڵەتیە کارپێکراوەکانە، ئامانجیش لێی شاردنەوەی تاوانەکانی ڕژێمی بەعس و بچوککردنەوەی تاوانی ئەنفالە.

,

تەیموری ئەنفال جەختیکردووەتەوە، هەرگیز لەوە بێدەنگ نابێت و هەموو ڕێگایەک دەگرێتەبەر بۆ ڕێگری کردن لەو پیلانە، هیواداریشە کەسوکاری شەهیدان و ئەنفالکراوان و ڕای گشتی کوردستان و عێراق و جیهان لەمەڕ ئەو پێشێلکارییە بێدەنگ نەبن و هەڵوێستی جدی و مێژوویان هەبێت، بە پێچەوانەوە مێژوو بێ هەڵوێستی کەس لە یاد ناکات.

,

لە ئێستادا بەشێکى ئەو گۆڕانەى کە هەڵدراونەتەوە، ئەو ڕوفاتى ئەنفالکراوانەى کە تێیدا بوونە و دەرهێدراون براونەتە بەغدادى پایتەخت و بڕیارە لە داهاتوودا بهێندرێنەوە زێدى خۆیان.

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل