fbpx
Shadow Shadow

سیاسه‌تی

تەندروستیی سلێمانی بۆ ڕوبەڕوبونەوەی کۆرۆنا “ژووری عەمەلیات”ی پێکهێنا

15:59 یه‌ك شه‌ممه‌ 02 شوبات 2020
article image

ناس کورد-

 

بەڕیوبەرایەتی تەندروستی سلێمانی بەمەبەستی ڕوبوڕوبونەوەی ڤایۆرسی کۆرۆنا کۆمەڵێک ڕێنمایی تایبەتی بڵاوکردەوە و ژوری ڕوبەڕوبونەوەی خێرای پێکهێنا.

،

ئەمرۆ یەک‌شەممە، 2ی شوباتی 2020، بەڕێوبەرایەتی گشتیی تەندروستیی سلێمانی بەئامادەبوونی نوێنەری ڕێكخراوی تەندروستی جیهانی لەسلێمانی و چەندین تیمی جیاوازی پەیوەندیدار کۆبونەوەیەکی چڕیان ئەنجامدا و تیایدا تاوتوێی ڕەوشی تەندروستی بەگشتی و بڵاوبونەوەی  ڤایرۆسی كۆرۆنا لەچین و وڵاتانی جیهان كراو پلان و بەرنامە و كاری نوێ بۆ چۆنێتی ڕوبەڕوبونەوەی ئەو ڤایرۆسە لەشاری سلێمانی دانرا.

،

بەگوێرەی ڕاگەیەندراوێکی بەڕێوەبەرایەتی تەندروستی سلێمانی لە کۆبونەوەکەدا بریاردراوە: “ڕێوشوێنی خۆپارێزی لەسەرسنوور و فڕۆكەخانەكان بگیرێتەبەر و شوێنی مانەوە بۆ گەشتیاران بەتایبەتی ئەوانەی لەچینەوە دێن دروست بكرێت و  مانەوەیان بۆ ماوەی 15 ڕۆژ تا دڵنیابوون لەسەلامەتیان”.

،

ئاماژەی بەوەشداوە: “دەبێت ڕێنمایی تایبەت لەشێوەی نامیلكە بەگەشتیارانی ناو فڕۆكەخانەكان بدرێت و خولی خێرا بۆ كارمەندانی فڕۆكەخانەكان بکرێتەوە، هەروەها ڕێگا لە گەشتكردن بۆ وڵاتی چین بگیرێت و و نەشهێڵدرێت گەشتیاران لەچینەوە بۆ سلێمانی بگەڕێنەوە تاكاتی تەواوبوونی مەترسیەكانی ڤایرۆسەكە”.

،

تەندروستی سلێمانی باسی لەوەشکردوە: “هێلێكی گەرمی تەلەفونی 24 كاتژمێری كەلەلایەن بەڕێوەبەرایەتی گشتیی تەندروستیی سلێمانی دەكرێتەوە و سەرپەرشتی دەكرێت  بۆ ئەوەی هاوڵاتیان ڕاستەوخۆ پەیوەندی بكەن لەبوونی هەر گومانێك و ڕەواندنەوەی گومانەكانیان لەمەترسی توشبوون بەحاڵەتەكانی ڤایرۆسی كۆرۆنا وهاوشێوەكانی”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل