fbpx
Shadow Shadow

سیاسه‌تی

سێ سیناریۆ دەخاتەڕوو

توێژینەوەیەکى زانستى ئێران هۆشدارى لە مردنى سێ ملیۆن و ٥٠٠ هەزار کەس بە کۆرۆنا دەدات

10:08 چوار شه‌ممه‌ 18 ئادار 2020
article image

ناس کورد-

 

بەپێی توێژینەوەیەکى زانستى زانكۆی شەریفی ئێران گەر سیستمی تەندروستی ئەو وڵاتە شكست بهێنێت كە ئێستا شەكەت بووە سێ ملیۆن و ٥٠٠ هەزار کەس بەكۆرۆنا دەمرن.

.

دكتۆر ئەفرۆز ئیسلامی كە لە سەداو سیمای میدیای فەرمی كۆماری ئیسلامی بۆ كاروباری پزیشكی كار دەكات لەچاوپێكەوتنێكی تەلەفزیۆنی وڵاتەكەیدا چەند ئەنجامێكی تویژینەوەیەكی زانستی زانكۆی شەریفی ئێرانی ئاشكرا كردووە كە لەبارەی مەترسیەكانی ڤایرۆسی كۆرۆنا لەوڵاتەكەیدا ئەنجامدراوە.

.

بەپێی چەند سیناریۆییەكی توێژینەوەكە، خراپترین دۆخ ئەگەر لەو وڵاتەدا ڕوبدات بەهۆی پابەند نەبونی خەڵك و شكستهێنانی سیستمی تەندروستیەوەیە و بەو هۆیەشەوە 3 ملیۆن و 500 هەزار كەس بەكۆرۆنا گیانلەدەستدەن.

.

بەپێی توێژنەوەیەکە سێ سیناریۆ هەیە: یەکەم ئەگەر خەڵک بە تەواوی پابەندی رێنماییەکان بن و حکومەت بودجەی تەواو دابین بکات ئەوا تا ئەو کاتەی کۆرۆنا کۆنتڕۆڵ دەبێت ژمارەی تووشبووان ١٢٠ هەزار کەس دەبێت و نزیکەی ١٢  هەزار کەسیش بەو هۆیەوە دەمرن.

.

دووەم: ئەگەر خەڵک بەم شێوەی ئێستا پابەند بن و حکومەت نەتوانێت بودجە دابین بکات ئەوا ٣٠٠ هەزار کەس تووش دەبن و ١١٠ هەزاریش دەمرن.

.

بەپێی توێژینەوەكە، سیناریۆی سێەهەمیش ئەوەیە گەر خەڵكی هیچ جۆرە ڕێنمایەكی تایبەت بۆ دژایەتی كۆرۆنا جێ بەجێ نەكات و پێوەی پابەند نەبێت، ئەوا ئەگەری شكستهێنانی سیستمی تەندروستی ئێران لەئارادایە كە لەئێستادا بەو هۆیەوە توشی شەكەتی و ماندووبون بووە بەهۆی نەبوونی ئامێری تەكنەلۆژی پێویست ئەوكات چوار ملیۆن كەس توشی ڤایرۆسەكە دەبن و 3 ملێون و نیو كەسییش بەو هۆیەوە گیانلەدەستدەدەن.

.

گەرچی دكتۆر ئەفرۆز ئیسلامی، بنەما زانستی و پێوەرەكانی توێژینەوەكەی نەخستووەتەڕوو، بەڵام بڵاو كردنەوەی دەرەنجامى ئەو توێژینەوەیە هۆشدارى مەترسیدارى تێدایە لەبارەى ئەگەرى زیاترى بڵاوبونەوەى کۆرۆنا.

.

بەپێی چەند میدیایەكی فارسی كە گرنگی بەكاروبارەكانی ئێران دەدەن، بڵاوكردنەوەی ئەو زانیارییانە لەسەر ئاكامی توێژینەوەكەی زانكۆی شەریف لەدوای شکاندنى دەرگاى  ئارامگەی به هەشتی مەعسومە كە هەشتەم ئیمامی شیعەكان لەلایەن ژمارەیەک دانیشتوى قومەوە بۆ چوونە ژورەوە و قەرەباڵغی دروست كردن، ئەوەش مەترسیەكی بۆ بەرپرسانی شارەكە و ئێران دروستكرد ئەو قەرەباڵغیانە جارێكی تر ببێتە هۆی بڵاوبونەوەی ڤایرۆسەكە.

.

زانكۆی شەریفی ئێران، یەكێكە لەناوەندە زانستی و ئەكادیمیەكانی ئەو وڵاتە كە ساڵانە زیاتر خوێندكارە یەكەكەمان وەردەگرێت و چەندین دەستكەوتی زانستی هەیە.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل