fbpx
Shadow Shadow

تورکیا هێرش دەکاتەسەر ڕۆژئاوا.. کۆشکی سپی: بەشداری ئۆپراسیۆنەکەى تورکیا ناکەین

08:24 دوو شه‌ممه‌ 07 تشرینی یه‌كه‌م 2019
article image

ناس کورد-

کۆشکی سپی ڕایگەیاند، هێزەکانى ئەمریکا بەشداریی و پشتگیری ناکات لەو ئۆپراسیۆنەى کە تورکیا دەیەوێت لە باکوری سوریا (ڕۆژئاوا) ئەنجامی بدات.

.

ڕاگەیەنراوەکەی کۆشکی سپی کە ئەمڕۆ دووشەممە، 7ی تشرینی یەکەمی 2019، دوای پەیوەندی تەلەفۆنی نێوان دۆناڵد ترەمپ، سەرۆکى ئەمریکا و ڕەجەب تەیب ئەردۆغان، سەرۆک کۆماری تورکیا بڵاوکرایەوە و دەڵێت، “هێزەکانى ئەمریکا لەدوای تێکشکاندنی خەلافەتی ڕێکخراوی داعش لە ناوچەکە (ڕۆژئاوا) نامێنێتەوە.”

.

لە ڕاگەیەنراوەکەشدا هاتووە، “تورکیا بەرپرسیار دەبێت لە هەموو چەکدارانی ڕێکخراوی داعش لە ناوچەکە و ئەوانەشی کە لە دوو ساڵی ڕابردوودا دەستگیرکراون.”

.

شەوی ڕابردوو، ترەمپ و ئەردۆغان پەیوەندییەکی تەلەفۆنییان ئەنجام دا و تاوتوێی “ناوچەى ئارام”ـیان کرد لە ڕۆژهەڵاتی فورات، دوای پەیوەندییەکەش ئیبراهیم کاڵن، وتەبێژی سەرۆکایەتى کۆماری تورکیا ڕایگەیاند، “ئامانجی دروستکردنی ناوچەى ئارام لە سوریا پاککردنەوەى سنورەکانە لە چەکدارە تیرۆرستەکان و گەڕانەوەى ئاوارەکانە بۆ وڵاتەکەیان.”

 

ڕۆژی 5ی تشرینی یەکەمی 2019، ڕەجەب تەیب ئه‌ردۆغان، سەرۆککۆماری تورکیا دەستپێکردنی ئۆپراسیۆنی ئاسمانی و وشکانی بۆسەر ڕۆژهەڵاتی ناوەڕاست (ڕۆژئاوا) ڕاگەیاند.

.

ئەردۆغان لە وتارێکیدا لە ئەنقەرە وتی،”ئاماده‌كارییه‌كانمان كردووه‌ و پلانی ئۆپه‌راسیۆنمان ته‌واو كردووه‌، رێنمایی پێویستمان داوه‌، كاتی بڕیاردان و ده‌ستكردن به‌ پرۆسه‌كه‌ كه‌ كردنه‌وه‌ی به‌رده‌م كانیاوه‌كانی ئاشتییه‌ هێنده‌ نزیكه‌ ده‌توانین بڵێین ئه‌مڕۆ و سبەینێیە، هه‌م له‌ وشكانییه‌وه‌ و هه‌میش له‌ ئاسمانه‌وه‌ ئه‌و ئۆپه‌راسیۆنه‌ ئه‌نجام ده‌ده‌ین”.

 

.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل