fbpx
Shadow Shadow

هەسەدە داوا لە کۆمەڵگەى نێودەوڵەتى دەکات ڕێگرى بکات

تورکیا لەشکرکێشى بۆ سەر ڕۆژئاواى کوردستان دەستپێدەکات

08:45 چوار شه‌ممه‌ 09 تشرینی یه‌كه‌م 2019
article image

ناس کورد-

 

یاریدەدەرێکى ڕەجەب تەیب ئەردۆغان  ڕایگەیاند، پاش کەمێکى تر ئۆپراسیۆنەکەیان بۆ باکور و ڕۆژهەڵاتى سوریا دەستپێدەکەن، هەسەدەش داوا لە کۆمەڵگەى نێودەوڵەتى دەکات ڕێگریى لە هێرشەکە بکات.

.

فەخرەدین ئاڵتون بەڕێوەبەرى هەواڵگریی لە سەرۆکایەتى تورکیا، بەرەبەیانى ئەمڕۆ پێنج شەممە نۆى تشرینى یەکەمى 2019 لە تویتێکدا ڕایگەیاند، سوپاى تورکیا و سوپاى سوریاى ئازاد کەمێکى دیکە دەپەڕنەوە سنورى سوریا، لەگەڵ دەستپێکردنى ئۆپراسیۆنە سەربازییەکەیان بۆ سەر ناوچەکە.

.

هاوکات گۆڤارى فۆرن پۆلیسى ئەمریکى لەزارى بەرپرسێکى ئەمریکییەوە گواستییەوە، کە هێرشەکەى تورکیا لە 24 کاتژمێرى داهاتوودا دەستپێدەکات.

.

بەپێی گۆڤارەکە، بەرپرسانى کوردى ڕۆژئاواى کوردستانیش باسیان لە نزیکى دەستپێکردنى ئۆپەراسیۆنەکە کردووە.

.

شەوى ڕابردوو تورکیا سەنگەرێکى هەسەدەى لە سەرێکانى تۆپباران کرد و هەسەدەش داواى لە کۆمەڵگەى نێودەوڵەتى کرد ڕێگرى بکات لە ئۆپراسیۆنەکەى تورکیا.

.

.هەسەدە ئاماژەى بەوەشداوە، سەرجەم ئاماژەکان بەرەوئەوەدەچن کە ناوچەکە روبەڕووى هێرشى تورکیا دەبێتەوە بە هاوکارى لەگەڵ گروپە چەکدارە ئۆپۆزسیۆنەکانى سەر بە تورکیا.

.

هۆشداریشیداوە لە ڕوودانى کارەساتێکى گەورەى مرۆیی لەو ناوچانە و ڕژانى خوێنى هاوڵاتییانى مەدەنى.

.

ئەوە لەکاتێکدایە، دوێنێ وەزارەتى بەرگرى ئەمریکا، تورکیاى تۆمەتبارکرد بەوەى تاکلایەنە هەنگاو دەنێت، جەختشیکردبووەوە هیچ گۆڕانکارییەک لە بوونى سەربازى ئەوان لە سوریا ڕووینەداوە.

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل