fbpx
Shadow Shadow

تورکیا “بەهیچ شێوەیەک” لە ئیدلیب ناکشێتەوە.. حکومەتی سوریاش خۆی بۆ هێرش ئامادەکردووە

15:03 شه‌ممه‌ 14 ئه‌یلول 2019
article image

ناس کورد-

سەرۆک کۆماری تورکیا کشانەوەی هێزەکانی سوپای تورکیا و لابردنی خاڵە چاودێرییەکانی سوپاکەی لە سنوری پارێزگای ئیدلیب بە توندی ڕەتکردەوە.

ڕەجەب تەیب ئەردۆغان بە ئاژانسی ڕۆیتەرزی راگەیاندووە: “سوپای تورکیا سەرجەم ئەو داواکارییانە ڕەتدەکاتەوە کە لێیان کراوە بۆ کشانەوەیان لە سوریا و بە تایبەت لە سنوری پارێزگای ئیدلب لە باکووری ڕۆژئاوای سووریا”.

.

ئەردۆغان دەشڵێت، سوپای وڵاتەکەمان 12 خاڵی چاودێرییان لە ئیدلیب دامەزراندووە و بەهیچ شێوەیەکیش ئامادە نین بکێشینەوە، هەروەها هیچ ڕێککەوتنێکیشیان لەگەڵ حکومەتی سوریادا نییە و هۆشداریشیان داوەتە حکومەتی سوریا لە ئەگەری هێرشکردنە سەر ئیدلب ئەوا خۆیان زەرەرمەندی یەکەم دەبن.

.

ئەردۆغان هەڕەشەی ئەوەشی کردوە “بەهۆی ئەوە کە ژمارەیەکی زۆر لە خەڵکی مەدەنی لە ئیدلب دەژین هەر وڵات و لایەنێک

هێرش بکاتە سەر خاڵە چاودێرییەکانمان ئەوا دەستەوەستان ناوەستین و وەڵامی هەر هێرشێک بۆ سەر هێزەکانمان، دەدەینەوە”.

.

سەرۆک کۆماری تورکیا وتوشیەتی “بەشێوەیەکی ڕاستەوخۆ لەسەر پرسی ئیدلب پەیوەندیان لەگەڵ ئێران و ڕوسیا هەیە و هەموو هەوڵێک دەدەین بۆ ئەوەی هێرش نەکرێتە سەر ئیدلب، هەروەها بوونی هێزەکانیشمان لە ئیدلب لە پێناو پاراستنی خەڵکی سڤیلی ئیدلبە”.

ماوەى چەند مانگێکە بۆردومانی فڕۆکەکانى ڕوسیا و هێرشی زەمینی هێزەکانى سوریا بۆسەر پارێزگای ئیدلیب دەستیپێکردووە، بڕیارە لە چەند ڕۆژی داهاتوو تورکیا و ڕوسیا و ئێران کۆببنەوە و کێشە و قەیرانەکانى ئیدلیب تاوتوێ بکەن.

 

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل