fbpx
Shadow Shadow

ترەمپ هەڕەشە لە ئەردۆگان دەکات “یەک سەربازى ئەمریکى بریندار بێت خراپت بەسەردێنم”

08:44 سێ شه‌ممه‌ 08 تشرینی یه‌كه‌م 2019
article image

ناس کورد-

 

دۆناڵد ترەمپ، سەرۆکى ئەمریکا رایگەیاند “بە سەرۆک کۆمارى تورکیام وتووە رێگە نادەم یەک سەربازى ئەمریکى لە سوریا برینداربێت لەکاتێکدا کە سوپاى تورکیا لەشکرکێشى دەکاتە سەر ناوچەکانى باکورى سوریا و ئەگەر ئەوە رووبدات کێشەیەکى گەورە دروست دەبێت”.

.

 

لە میانەى ئەنجامدانى کۆنگرەیەکى رۆژنامەوانیدا، دۆناڵد ترەمپ، سەرۆکى ئەمریکا وتى “بەوردى چاودێرى دۆخەکە دەکەین و بەهیواین تورکیا کارە باشەکە بکات و هەڵە نەکات”.

.

وتیشى “حەز بەوە دەکەم سەربازەکانى ئەمریکا بگەڕێنمەوە بۆ نیشتیمان لەدواى ئەوەى بەتەواوەتى توانییان داعش تێکبشکێنن”.

 

.

شەوی (یەکشەممە)، دۆناڵد ترەمپ، سەرۆکی ویلایەتە یەکگرتوەکانی ئەمریکا و رەجەب تەیب ئەردۆگان، سەرۆک کۆماری تورکیا پەیوەندی تەلەفۆنیان ئەنجامدا و لەبارەی ناوچەی ئارام لە سوریا گفتوگۆیان کرد، کۆشکی سپی راگەیەندراوێکی بڵاویکردەوە و تیایدا ئاماژە بەوە کرابوو “بەمزوانە تورکیا ئۆپەراسیۆنی سەربازی لە باکوری رۆژهەڵاتی سووریا دەستپێدەکات”.

 

.

هاوکات رامى عەبدولڕەحمان، بەڕێوەبەرى روانگەى سورى بۆ مافەکانى مرۆڤ رایگەیاند “ئەو هەواڵانەى کە راگەیاندنەکانى رژێمى ئەسەد لەبارەى بۆردومانى تورکیا لەنێو خاکى سوریا دوورە لەراستییەوە و رەنگە ئەوان نەزانن لەکوێدا خاکى سوریا کۆتایى دێت”.

.

بەڕێوەبەرى روانگەکە روونیکردەوە، ورەى هێزەکانى سوریاى دیموکراتیش زۆر بەرزە و هەروەها بەهۆى ئەو ئابڵۆقە ئاسمانییەى کە لەسەریەتى هێزى ئاسمانى تورکیا ناتوانێت ناوچەکانى هەسەدە ببەزێنێت.

.

هاوکات روانگەکە ئاشکراى کرد کە هێزەکانى سوریاى دیموکرات لە هەندێک ناوچەى دێرەزوور وەک کێڵگەى نەوتى عومەر پاشەکشەیان کردووە و هێزەکانیان بەئاراستەى سنورى تورکیا بردووە.

.

سەرەڕاى بڕیارى کشانەوەى هێزەکانى ئەمریکا لە سوریا، بە گوێرەى راگەیەندراوێکى روانگەى سورى بۆ مافەکانى مرۆڤ، سەرلەئێوارەى دوێنێ (دووشەممە) دەیان بارهەڵگرى هێزەکانى هاوپەیمانى نێودەوڵەتى لە هەرێمى کوردستانى عێراقەوە بەرەو باکورى رۆژهەڵاتى سوریا نێردراوە کە بەگوێرەى روانگەکە ژمارەیان نزیکەى 80 بارهەڵگر بووە ئەمە جگە لە چەند ئۆتۆمبیلێکى سەربازى.

.

 

لەلایەکى ترەوە، ئیلهام ئەحمەد، هاوسەرۆكی ئەنجومەنی سوریای دیموكرات  ئاشکراى کرد “تورکیا بەلەشکرکێشییەکەى کوشتارگەیەک بەرامبەر بە دانیشتوانى باکور و رۆژهەڵاتى سوریا ئەنجام دەدات کە 11 هەزار شەهید و 25 هەزار برینداریان لە شەڕى دژى داعش پێشکەش کردووە و بە کردنەوەى رێگاش لەبەردەم لەشکرکێشى تورکیا لەلایەن ئەمریکاوە ئەو وڵاتەش دەبێتە هاوبەشە تاوانى تورکیا .

 

.

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل