fbpx
Shadow Shadow

بیروڕا

تائێستا گەنجینەکان ئاگادار نەکراونەتەوە لە دابەشکردنی موچە و پێدەچێت سبەینێش دابەشنەکرێت

20:41 شه‌ممه‌ 11 كانونی دووه‌م 2020
article image

ناس کورد-

،

هەرچەندە هەفتەی ڕابردوو وەزیری دارایی ڕایگەیاند، پێدەچێت ڕۆژی یەکشەممە موچە دابەشبرێت، بەڵام تائێستا وەزارەتی دارایی خشتەی موچەی بڵاونەکردووەتەوە و بەڕێوەبەری گەنجینەی یەکی سلێمانیش دەڵێت، تائێستا ئاگادار نەکراونەتەوە سبەینێ موچە دابەش بکەن یاخود نا.

،

حەسەن ڕەشید، بەڕێوەبەری گەنجینەی یەکی سلێمانی بە ناس کوردی راگەیاند: “هەموو مانگێک ڕۆژێک پێش ئەوەی موچە دابەشبکرێت، لە وەزارەتی دارایی ئاگاداردەکرێینەوە، کە ڕۆژی دواتر بڕیاری خەرجکردنی موچە بدەین، بەڵام بۆ ئەم مانگە و تائێستا ئاگادار نەکراوینەتەوە لە خەرجکردنی موچەی ئەم مانگە”.

،

وتیشی: “تائێستا دیار نییە کە سبەینێ یەکشەممە موچە دابەش دەکرێت یاخود نا و لە هیچ شتێک ئاگادار نەکراوینەتەوە”.

،

بەگوێرەی خشتەی مانگەکانی ڕابردووی وەزارەتی دارایی، دەبوو لە بەرواری 6ی کانونی دووەمی دەست بە دابەشکردنی موچە بکرایە، ڕۆژی پێنجشەممەی ڕابردووش، ئاوات شێخ جەناب، وەزیری دارایی هەرێم ڕاگەیاند: “ڕەنگە ڕۆژی یەکشەممەی داهاتوو دەست بە دابەشکردنی موچە بکەین”.

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل