fbpx
Shadow Shadow

تائێستا لەسەدا یەکی ڕوفاتی قوربانیانی ئەنفال دەرهێنراون

12:00 یه‌ك شه‌ممه‌ 14 نیسان 2019
article image

ناس نيوز-

بەپێی ئامارەکانى وەزارەتى کاروباری شەهیدان و ئەنفالکراوانی هەرێم، لەکۆی 182 هەزار قوربانی جینۆسایدی ئەنفال، تەنها ڕوفاتی دوو هەزار و 672 کەس دەرهێنراون کە دەکاتە 1.2%ی ڕوفاتی تەواوی قوربانیان.

له‌ سه‌ر مه‌زارى ئه‌نفالکراوه‌کان له‌ گوندى دێبنه‌ى سنورى گه‌رمیان، مه‌راسیمى 31هه‌مین ساڵیادى جینۆسایدی ئه‌نفال به‌ڕێوه‌چوو، هاوکات لە چەمچەماڵ و چەندین شار و شارۆچکەى هەرێم یادی ئەنفال کرایەوە.

تائێستا لەسەدا یەکی ڕوفاتی قوربانیانی ئەنفال دەرهێنراون
لەماوەى نزیکەى 200 ڕۆژدا، لە شوباتی 1988 تاوەکو ئەیلولی ئەو ساڵە، ڕژێمی بەعس لە هەشت قۆناغ و لە شەش ناوچەی جیاوازی کوردستان جینۆسایدی ئەنفالی دەستپێکرد.

بەپێی ئامارەکان، زیاتر لە 182 هەزار پیاو و ژن و منداڵی کورد ئەنفال کران و تەرمەکانیان خراوەتە گۆڕە بە کۆمەڵەکان کە زۆربەیان دەکەونە پارێزگای میسان و دیالە کە بەپێی ئامارە نافەرمییەکان، نزیکەى 150 گۆڕی بەکۆمەڵ دەبن.

کەسوکاری ئەنفالکراوان لە پاڵ خەم و ئازاری بێ کۆتایی قوربانییەکانیان، بەدەست بێ خزمەتی و قەرەبوونەکردنەوەیان دەناڵێنن، ئەوان ڕەخنە لە سستی هەڵدانەوەى گۆڕە بەکۆمەڵەکانیان دەگرن و داوا دەکەن لیستى موچەی کەسوکاری ئەنفالکراوان لەگەڵ هاوتای شەهیدانی عێراق بکرێت.

لە ساڵی 2007دا، حكومەتی ھەرێم بڕیاریدا ڕۆژی 14ی نیسان بکرێتە ڕۆژی یادكردنەوەی تاوانەكانی ئەنفال و ساڵانە لە 14ی نیساندا یادی ئەنفال دەکرێتەوە.

.

قۆناغەکانى جینۆسایدی ئەنفال

ئەنفال بە هەشت قۆناغ جێبەجێ‌ كرا و زیاتر لە 200 رۆژ بەردوام بوو كە لە كۆتایی مانگی شوباتی 1988 لە شەش ناوچەی جیاواز دەستی پێكرد تا 6ی ئەیلولی هەمان ساڵ بەردەوام بوو.

.
قۆناغی یەكەمی ئەنفال؛

 لە 23ی شوباتی 1998 تا 18ی ئازاری هەمان ساڵی خایاند، لە ناوچەكانی دۆڵی جافایەتی لە سنوری قەزا ‌و ناحیەكانی ( دوكان، بنگرد، چوارتا، قەڵاچوالان، سەرچنار، سورداش) ی سەر بە پارێزگای سلێمانی دەستیپێكرد، كە لە بەرەبەیانی 23ی شوباتدا خەڵكی یاخسەمەر و سەرگەڵوو بەرگەڵوو، خەڵک بە دەنگ و ناڵەی تۆپی بەعس بە ئاگاهاتن كە ئەوە بەیەكەم تەقەی دەستپێكردنی ئەنفال دادەنرێت.
رژێمی بەعس لەو هێرشەیدا، 20 لیوا و 60 فەوج و 10 فەوجی سوك و مەفرەزەی تایبەت جگە لە دەیان دەبابە و پاڵپشتی هێزی ئاسمانی ئامادە کردبوو.

تائێستا لەسەدا یەکی ڕوفاتی قوربانیانی ئەنفال دەرهێنراون

قۆناغی دووەم؛

لە 22 ئازار تا 1ی نیسانی 1988ی خایاند،  ناوچەكانی قەرەداخ و بازیان و دەربەندیخانی گرتەوە كە لەو هێرشەدا 80 گوند و دوو هەزار و 241  خانوو وێران كران.

.
قۆناغی سێیەم؛

ئەو هێرشەی ئەنفال بە كاریگەرترین و كوشندەترین هەڵمەت دادەنرێت لە 7ی  نیسانی 1998 دەستیپێكرد و 20ی نیسانی هەمان ساڵ كۆتایی هات كە ناوچەكانی (چەمچەماڵ، سەنگاو، قادركەرەم، دوز، كفری، كەلار، پێباز، تیلەكۆ) ی گرتەوە و فراوانترین هێرشی ئەنفال بوو كە زیاتر لە 500 گوندی گرتەوە و زیاتر لە 500 گوندی گەرمیان وێرانکران و نزیکەى 30 هەزار گەنج و ژن و منداڵ و پیر بێسەروشوێن کران.

.

قۆناغی چوارەم؛

 لە 15ی ئایارى 1998 تا 25ی ئابی 1998ى خایەند، ناوچەكانی ئاغجەلەر، ناوشوان، چەمی رێزان، دەشتی كۆیە، تەقتەقی لە هەرسێ پارێزگای هەولێر و سلێمانی گرتەوە كە لە رۆژی 3ی ئایار بە كیمیابارانكردنی گوندی گۆپتەپە دەستیپێكرد.

.
تائێستا لەسەدا یەکی ڕوفاتی قوربانیانی ئەنفال دەرهێنراون
قۆناغی پێنجەم و شەشەم و حەوتەمی ئەنفال؛

لە 15ی ئایاری 1998 دەستسپێكرد و لە 26ی ئابی هەمان ساڵ كۆتایی هات، هێرشەكە بۆ نێو چیاكانی شەقڵاوە و رەواندوز بوو، كە گوندەكانی (وەرە، عەلیاوا، سماقوڵی نازەنین) ی گرتەوە.

.
قۆناغی هەشتەم و كۆتایی ئەنفال؛

لە 26 ی ئاب دەستیپیكرد و لە شەشی ئەیلول كۆتایی هات، ئەو هێرشەش بۆ سەر ناوچەكانی بادینان بوو، ئەو گوندانەی بەهۆی ئەو شاڵاوەوە وێرانكران، 450 گوند بوون، كە 19 گوند لە قەزای شێخان و 35 گوند لە ئاكرێ و 100 گوند لە زاخۆ و 233 گوند لە ئامێدی و 63 گوندی سەر بە سەنتەری شاری دهۆك بوون.

 

 

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل