fbpx
Shadow Shadow

بەڕێوەچونى ئاهەنگى “هاڵوین” لە دایەنگەکانى سلێمانى قەدەغە کران

20:42 چوار شه‌ممه‌ 30 تشرینی یه‌كه‌م 2019
article image

ناس کورد-

به‌رێوه‌به‌رایه‌تى گشتیى چاودێرى و گه‌شه‌پیدانى كۆمه‌ڵایه‌تى سلێمانى، كۆمه‌ڵێك یارى و بۆنه‌ى له‌ دایه‌نگه‌كان قەدەغە کرد، هۆکارەکەشى گەڕاندووەتەوە بۆ مەترسی دروستبوونى زیانى جه‌سته‌یى و ده‌رونی.

,

له ‌نوسراوێکدا به‌ڕێوه‌به‌رایه‌تى گشتیى چاودێرى كۆمه‌ڵایه‌تیى سلێمانی كه‌ گشتاندنى پێکردووە، کۆمەڵێک ڕێوشوێنى تایبەت بە دایەنگەکان دیاریکردووە، لە نوسراوەکەدا هاتوە: “بردنى شیرینى و خواردن و دیارى بۆ دایه‌نگه‌ له‌لایه‌ن كه‌سوكارى منداڵه‌وه‌ به‌بۆنه‌ى یادى له‌دایكبوونه‌وه‌ قه‌ده‌غه‌یه‌، له‌برى ئه‌وه‌ پێویسته‌ ڕێوشوێنى دیکە له‌نێو دایه‌نگه‌كه‌دا بگیرێتەبەر”.

,

له ‌خاڵێكى دیکەى نوسراوەکەدا هاتوه‌: “پێویسته‌ چالاكییه‌كان بگونجێن له‌گه‌ڵ ئاستى توانا و ژیرى منداڵ و جه‌سته‌ و ده‌رونى، هیچ كار و چالاكییه‌كیش ئاماژه‌ى ترس و بیمى تێدا نه‌بێت كه‌ زیان به ‌منداڵ بگه‌یه‌نێت”.

,

بەڕێوه‌به‌رایه‌تیى گشتیى چاودێرى كۆمه‌ڵایه‌تی و گه‌شەپێدانى سلێمانى بۆنه و ئاهەنگە ڕێگەپێدراوەکانى خستوەتەڕو، کە بۆنەى “هاڵۆین”یشى له‌نێو دایه‌نگه‌كاندا قه‌ده‌غه‌ كردووه‌.

,

به‌رێوه‌به‌رایه‌تییه‌كه‌ ڕێگه‌ى داوه‌ چه‌ند بۆنه‌یه‌كى نیشتیمانى، نه‌ته‌وه‌یى، ئاینى و جیهانى له‌ دایه‌نگه‌كاندا بەڕێوەبچن، هاوكات ناوى 19 بۆنه‌ى دیاریكردووه‌ كه‌ ڕێگه‌پێدراون، دیارترینیان (جه‌ژنه‌كانى ڕه‌مه‌زان و قوربان و سه‌رى ساڵ، ڕۆژى جیهانى خێزان، ڕۆژى جلى كوردى، ڕۆژى جیهانى كه‌مئه‌ندامان، ڕۆژى جیهانى به‌ساڵاچوان و ڕۆژى جیهانى هاوڕێیه‌تى)ن.

بەڕێوەچونى ئاهەنگى "هاڵوین" لە دایەنگەکانى سلێمانى قەدەغە کران بەڕێوەچونى ئاهەنگى "هاڵوین" لە دایەنگەکانى سلێمانى قەدەغە کران

,

,

وشە كلیلەكان:

جۆری بابەتی دڵخوازت لەم ماڵپەڕەدا چییە؟

Loading ... Loading ...

جۆری بابەتی دڵخوازت لەم ماڵپەڕەدا چییە؟

Loading ... Loading ...
Do NOT follow this link or you will be banned from the site!
عاجل عاجل